Achoimre
Tá an comhairliúchán poiblí anois dúnta.
Cuireann an Coiste um Dhlí agus Ceart agus Comhionannas fáilte roimh aighneachtaí scríofa ó gheallsealbhóirí agus páirtithe leasmhara maidir le soláthar díreach agus an próiseas iarratais um chosaint idirnáisiúnta.
Cur síos ar an gcomhairliúchán
Is mian leis an gCoiste go ndéanfaí breith ar an méid is féidir a dhéanamh sa ghearr go meántéarma go háirithe chun:
- feabhas a chur ar leas agus ar choinníollacha na ndaoine a chónaíonn sa chóras soláthair dhírigh
- agus éifeachtúlacht an chórais reatha chun éilimh chosanta idirnáisiúnta a éileamh a fheabhsú, d’fhonn beartais, cleachtais agus dlíthe a thabhairt isteach de réir an chleachtais agus na gcaighdeáin idirnáisiúnta is fearr
Is mian leis an gCoiste freisin féachaint níos faide chun cinn ná an córas reatha soláthair dhírigh in Éirinn agus breith a dhéanamh ar cibé an bhfuil múnlaí nó bealaí malartacha a d’fhéadfaimis a úsáid.
Tosóidh an Coiste sraith éisteachtaí poiblí ar na saincheisteanna seo ar an 22 Bealtaine 2019, agus súil acu tuarascáil a fhoilsiú san fhómhar.
Spriocdháta
Is é an spriocdháta chun aighneachtaí a fháil Dé hAoine, 31 Bealtaine 2019.
Conas d'aighneacht a chur isteach
Seol doiciméad leictreonach (PDF/MS Word nó a chomhionann) i ríomhphost chuig directprovision@oireachtas.ie..
Iarrtar ort gan cóipeanna crua de d'aighneacht a sheoladh isteach, ní ghlacfar leo.
Ná cuir d'aighneacht chuig comhaltaí coiste ar leith. Déanfaidh an Cléireach cinnte de go bhfaighidh na comhaltaí uile cóip de gach aighneacht.
A bhfuil le cur san áireamh i d'aighneacht
Ba chóir go mbeadh do dhoiciméad aighneachta i d’aighneacht mar aon le litir chumhdaigh ar leith. Cuirfidh sé sin ar chumas an Choiste d'aighneacht a fhoilsiú gan do shonraí teagmhála.
Bíodh an méid seo a leanas san áireamh sa litir chumhdaigh:
- d'ainm, do sheoladh poist, do sheoladh ríomhphoist agus d'uimhir ghutháin theagmhála
- má tá an aighneacht á déanamh ar son eagraíochta, an post atá agat san eagraíocht sin
- achoimre ghairid ar an bhfáth a bhfuil an aighneacht á déanamh agat
Bíodh an méid seo a leanas sa doiciméad aighneachta :
- réamhrá gairid, mar shampla, míniú ar do réimse saineolais
- aon fhaisnéis fhíorasach atá agat óna bhféadfadh an coiste teacht ar chonclúidí, nó a d'fhéadfaí a chur chuig páirtithe eile lena dtuairimí siúd a fháil
- naisc chuig aon fhoilseacháin a dtagraíonn tú dóibh; ní gá foilseacháin den sórt sin a sheoladh mar cheangaltáin
- aon mholtaí don choiste; bí chomh sonrach agus is féidir agus déan achoimre ar do chuid moltaí ag deireadh an doiciméid
- má bhíonn do dhoiciméad níos mó ná deich leathanach ar fad, achoimre feidhmiúcháin ar na príomhphointí a rinneadh san aighneacht
Caithfear a bheith gonta agus uimhreacha a chur ar do leathanaigh.
Faisnéis thábhachtach
Ní ghlacfar le haighneachtaí a sheolfar chuig aon seoladh ríomhphoist eile.
Ní ghlacfar le haighneachtaí gan ainm agus diúltófar dóibh.
Ní ghlacfar le hachainíocha agus litreacha ó theimpléid agus ní fhoilseofar iad.
D’fhéadfaí aighneachtaí a dhéanfar chuig Coiste a fhoilsiú mar a fhaightear iad, mar chuid de thuarascáil Coiste, nó ar leithligh, má chinneann an Coiste sin a dhéanamh.
Tá próiseas poiblí i gceist le haighneacht a dhéanamh.
Níl sé de dhualgas ar an gCoiste glacadh le do dhoiciméad nuair a chuirtear isteach é, agus níl sé de dhualgas air aon chuid den aighneacht, nó an aighneacht go léir, a fhoilsiú má ghlactar léi. Tá próiseas poiblí i gceist le hoibríochtaí parlaiminte, áfach, agus ba chóir go mbeadh a fhios agat go bhféadfar aighneachtaí ar bith a dhéantar chuig Coiste, ina bhfuil d'aitheantas san áireamh, a fhoilsiú mar chuid de thuarascáil ón gCoiste, nó ar leithligh, má chinneann an Coiste é sin a dhéanamh.
An bhfuil treoir bhreise uait?
Más mian leat treoir níos mionsonraithe a fháil, léigh an nóta treorach Aighneachtaí agus Cuir i Láthair a dhéanamh le Coistí Oireachtais thíos nó téigh i dteagmháil leis an gcléireach don Choiste.
Cléireach don Choiste
Damian Byrne
damian.byrne@oireachtas.ie
(01) 618 3899
An Coiste um Dhlí agus Ceart agus Comhionannas
Ard-Rúnaíocht na gCoistí,
Seirbhís Thithe an Oireachtais,
Sráid Chill Dara,
Baile Átha Cliath 2,
D02 XR20