Teachtaireachtaí Ó Thíortha Eile. - Stáit Aontaithe Mheiriceá
Mo dhea-mhéin féin agus deamhéin Theach Ionadaithe na Stát Aontaithe chugat féin agus chuig do Chomhaltaí ar ócáid Chomhaireamh Caoga Bliain ó Chéad-Tionól na Dála.
De réir mar a mhéadaíonn ar ilghnéitheacht shibhialtacht na linne seo, titeann freagrachtaí nua ar rialtais i gnach áit agus iad ag féachaint lena chur ar chumas an phobail maireachtáil go córach faoi shaoirse. Ní féidir leis an saoránach aonair a mhian chun dea-shaol den sórt sin a bhaint amach ar aon slí eile ach faoi rialtas dlí-sheolta le saor-fhorais pholaitiúla a riarann ionadaithe a toghadh go daonlathach agus a bhfuil dea-thoil agus dea-rún saothair acu i leith a ndualgas. Tá sé de shásamh i gcoitinne againne, sinne atá i gComhdháil na Stát Aontaithe agus sibhse atá sa Dáil, go bhfuil baint againn le comhlacht polaitiúil den sórt sin.
Is faoi bhrí na méine sin a thraoslaímid, mise agus mo chomhaltaí, leis an Dáil an lá stairiúil seo.
JOHN W. McCORMACK,
Cathaoirleach Theach Ionadaithe na Stát Aontaithe.