Michael D. Higgins
Ceist:16 Mr. M. Higgins asked the Minister for the Gaeltacht if he proposes to introduce amending legislation to grant additional powers to Údarás na Gaeltachta.
Ceisteanna—Questions. Oral Answers. - Additional Powers for Údarás na Gaeltachta.
Faoi alt a 9 den Acht um Údarás na Gaeltachta, 1979, is féidir, chun forbairt na Gaeltachta a chur chun cinn ó thaobh teanga, cultúir, sóisialachta, gnéithiúlachta agus geilleagair, cumhachtaí breise a thabhairt don Údarás le hordú ón Rialtais. Níl gá leis an Acht a leasú chun é sin a dhéanamh. Sula bhféadfaí iarratas ar aon chumhacht bhreise ar leith a chur faoi bhráid an Rialtais, bheadh sé riachtanach don Údarás cás iomlán a leagan amach — na lochtanna sa chóras, na bealaí chun iad a leigheas, an costas a bheadh i gceist agus mar sin de. Go dtí seo níor leag an tÚdarás cás amach d'aon chumhachtaí breise faoi alt a 9 den Acht.
An aontódh an tAire go bhfuil na coinníollacha, ó thaobh fhorbairt eacnamaíochta agus fostaíochta de, athraithe go mór ón am a cuireadh an bun-Acht i bhfeidhm i 1979. Agus an aontódh sé liom go mbeadh ciall le cúr- aimí nua a thabhairt don Údarás, mar shampla, bunseirbhís agus infrastruchtúir a chur ar fáil.
Mar a dúirt mé, bheadh an dualgas ansin ar an Údarás é sin a chur faoi mo bhráid, iarratas a chur isteach agus na hargóintí agus chuile rud a shoil- éiriú domsa.
An eol don Tánaiste gur dhúradh ar Raidió na Gaeltachta, ag duine de na baill a ainmníodh dhá bhliain ó shin, go raibh meamram curtha ar aghaidh ag an Údarás go dtí an Roinn ag iarraidh cumhachtaí nua? An bhfuil sé a rá anois go foirmeálta nach bhfuil aon mheamram ná achainí faighte ag an Roinn nó ag an Aire chun na cumhachtaí a leathnú?
Dúirt an Teachta gur tharla sé sin cúpla bliain ó shin, gur bhall den Údarás a dúirt go raibh iarratas curtha isteach chuig an Roinn. Déanfaidh mé fiosrú faoin scéal mar sin agus cuirfidh mé in iúl don Teachta.
Dá mba rud é go raibh an ainilís déanta ag an Tánaiste agus dá mba rud é go raibh sé fíor go raibh achainí ag teacht go dtí an Roinn agus go dtí an tAire, cad é an dearcadh pearsanta a bheadh aige féin? An mbeadh sé i bhfabhar cumhachtaí breise a thabhairt?
Is trua liom gur chuir an Teachta an cheist sin orm, mar ba chóir go mbeadh a fhios aige, ó thaobh na fealsúnachta gurb eol dó atá agam, go mbeinn báúil leis.
Táimid ag dul ar aghaidh anois go Ceist a 19.