Vol. 443 No. 2
29 D'fhiafraigh Mr. Sargent den Aire Ealaíon, Cultúir agus Gaeltachta, maidir leis na treoirlínte atá eisithe don earnáil phoiblí do chláracha gníomhaíochta i leith leathnú an dátheangachais i sochaí na hÉireann, an bhféadfadh an tAire a rá cén dul chun cinn atár déanta go dtí seo, cé mhéid clár gníomhaíochta atá foilsithe ag an earnáil phoiblí agus céard iad na seirbhísí atá ar fáil gan dua trí Ghaeilge ag an bpobal.
74 D'fhiafraigh Mr. Sargent den Aire Ealaíon, Cultúir agus Gaeltachta, maidir leis na treoracha atá eisithe don earnáil phoiblí faoi sheirbhísí Gaeilge do phobal na Gaeltachta, an bhféadfadh sé a rá cén dul chun cinn atá déanta go dtí seo agus cé na seirbhísí atá ar fáil, gan dua, trí Ghaeilge do phobal na Gaeltachta.
Togfaidh mé Ceist Uimh. 29 agus Ceist Uimh. 74 le chéile.
Maidir le cláracha gníomhaíochta a tharraingt suas ag Ranna Stáit agus ag Eagrais Stáit, tá tús maith curtha le feidhmiú pholasaí an Rialtais i leith leathnú an dátheangachais i sochaí na hÉireann, faoi mar atá leagtha síos sa Chlár le haghaidh Rialtais Chomhpháirtíochta 1993-1997.
