Ní bheidh an t-eolas atá á lorg ag an Teachta ar fáil go dtí go luath san athbhliain. Tuigim ón Údarás, áfach, go bhfuil deachomharthaí ann go dtí seo maidir le líon na bpost a chruthófar i mbliana.
Mar eolas don Teachta maidir le 1995
—cruthaíodh 1,251 phost nua lánaimseartha sa bhliain sin i ngnóthais sa Ghaeltacht a fuair cúnamh ón Údarás;
—thug an méadú post seo an fhostaíocht lánaimseartha i ngnóthais a fuair cúnamh ón Údarás go buaicphointe 6,835 phost;
—tháinig méadú 642 sa bhliain sin ar líon iomlán na bpost séasúracha/ páirtaimseartha go dtí buaicleibhéal 3,940; agus
—ba é £9,700 an meánchostas deontais in aghaidh an phoist sa bhliain sin.