Vol. 476 No. 5
120 D'fhiafraigh Mr. Dempsey den Aire Ealaíon, Cultúir agus Gaeltachta an gceadóidh sé, gan mhoill, deontas chun méadú agus athchóiriú a dhéanamh ar Áras Pobail Ráth Cairn mar atá molta ag an gComharchumann; an gcuirfidh sé in iúl cén uair a thógfar Ionad Fiontar Ráth Cairn; agus an ndéanfaidh sé ráiteas ina thaobh. [7664/97]
Maidir leis an iarratas ar dheontas mar chabhair chun móroibreacha feabhsúcháin a chur i gcrích ag Ionad Pobail Ráth Cairm dírim aird an Teachta ar an bhfreagra a thug mé ar Cheist Dála Uimh. 78 uaidh ar 12 Márta. Níl aon rud le cur agam leis an bhfreagra sin faoi láthair.
Tuigim ó Údarás na Gaeltachta go lorgófar tairiscintí chun Ionad Fiontair a thógáil i Ráth Cairn a luaithe is a bheidh cead iomlán pleanála ar fáil don tionscnamh. Tá i gceist an obair thógála a dhéanamh i mbliana.
