Dáil Éireann díospóireacht -
Tuesday, 8 Dec 1998

Vol. 498 No. 1

Written Answers. - Deontas Labhairt na Gaeilge.

Dinny McGinley

Ceist:

304 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán an eol di nach gcáilíonn dáltaí atá ag freastal ar scoileanna Gaeltachta ach a bhfuil cónaí orthu taobh amuigh den Ghaeltacht do dheontas labhairt na Gaeilge; agus an bhfuil sé ar intinn aici leasú a dhéanamh ar na rialacha sa chaoi is go gcáileoidh siad feasta. [26629/98]

Minister of State at the Department of Arts, Heritage, Gaeltacht and the Islands (Éamon Ó Cuív)

Tá scéim labhairt na Gaeilge, cosúil le cuid mhaith scéimeanna eile atá á reachtáil ag mo Roinnse, teoranta d'iarratasóirí a bhfuil gnáthchónaí orthu sna Limistéir Ghaeltachta. Níl sé i gceist agam an choinníoll sin a athrú.