Vol. 508 No. 1
706 D'fhiafraigh Mr. McCormack den Aire Ealaíon, Oidhreachta, Gaeltachta agus Oileán an féidir an riail a athrú maidir leis an deontas Gaeltachta le haghaidh teach a dheisiú go háirithe do sheandaoine atá ina gcónaí leo féin agus a bheadh feiliúnach le hagaidh deontais eile cé go bhfuair siad deontas cheana féin i rith na seacht mbliana roimhe sin; agus an ndéanfaidh sí ráiteas ina leith. [17378/99]
Íocann mo Roinnse deontais chun tithe sa Ghaeltacht a dheisiú nó a fheabhsú faoi Alt. 3(2) d'Acht na dTithe (Gaeltacht), 1929.
Faoin Acht, ní féidir deontas eile feabhsúcháin a íoc i leith an tí chéanna arís taobh istigh de thréimhse seacht mbliana ó íocadh an chéad deontas feabhsúcháin. Bhí a mhacasamhail de choinníoll á fheidhmiú ag an Roinn Comhshaoil agus Rialtais Áitiúil nuair a bhí deontais chun tithe a fheabhsú á n-íoc ag an Roinn sin (10 mbliana in áit 7 mbliana, ina gcás siúd).
