Vol. 523 No. 2
125 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán an bhfuil socruithe déanta chun bualadh le mná tí na gcoláistí Gaeilge atá mí-shásta leis an liúntas aíochta a íocann an Roinn; agus an gceadófar ardú ar an liúntas don bhliain seo chugainn. [20608/00]
Tá cruinniú socraithe agam leis na teaghlaigh a choinníonn foghlaimeoirí Gaeilge faoi scéim na bhfoghlaimeoirí Gaeilge i nDún na nGall ar 21 Deireadh Fómhair 2000 chun gnéithe den scéim, an méid a íoctar leo san áireamh, a phlé leo. Beidh cruinnithe agam le teaghlaigh i gceantair Gaeltachta eile nuair a eiríonn an deis chuige sin amach anseo. Meadaíodh an deontas laethúil a íoctar faoin Scéim go £5.00 i mbliana – sin meadú 25% ar an deontas ón méid a bhí á íoc i 1997. Meadaíodh an deontas i 1998 agus i mbliana. Tá tábla le seo a léiríonn an méid a íocadh faoin scéim gach bliain ó 1980. Ar ndóigh ní féidir cinneadh a dhéanamh maidir leis an ráta a íocfar faoin scéim seo go dtí go nglacfar leis an meastacháin don bhliain seo chugainn.
Liosta de na hArdaithe ar fad a thug an Roinn do na Mná Tí faoi Scéim na bhFoghlaimeoirí Gaeilge
|
1980 |
£1.85 |
|
1981 |
£2.00 |
|
1982 |
£2.25 |
|
1983 |
£2.50 |
|
1985 |
£3.00 |
|
1986 |
£3.10 |
|
1990 |
£3.50 |
|
1991 |
£4.00 |
|
1992 |
£4.40 |
|
2000 |
£5.00 |
