Scéim um Roghanna Comhshaoil Talmhaíochta

Dáil Éireann Debate, Tuesday - 24 April 2012

Tuesday, 24 April 2012

Ceisteanna (552)

Éamon Ó Cuív

Ceist:

645 D’fhiafraigh Éamon Ó Cuív den Aire Talmhaíochta, Bia agus Mara an mbeidh an scéim um roghanna comhshaoil talmhaíochta oscailte d’fheirmeoirí nua i 2012 a d’fhág an scéim cosanta comhshaoil tuaithe i 2011 agus a bhfuil a gcuid talún i limistéar oidhreachta nádúrtha/limistéar caomhantais speisialta; má bhíonn an scéim seo á ceadú i mbliana an mbeidh ar fheirmeoirí a gcuid pleananna a chur isteach roimh an 15 Bealtaine mar a bhí orthu faoi scéim 2011, rud a chuirfidh brú mór ar fheirmeoirí agus ar phleanálaithe araon; agus an ndéanfaidh sé ráiteas ina thaobh. [20215/12]

Freagraí scríofa

Minister for Agriculture, Fisheries and Food (Deputy Simon Coveney)

Tá mé ag féachaint go gníomhach ar an bhféidearthacht leis an Scéim um Roghanna Comhshaoil Talmhaíochta a oscailt arís chun go bhféadfar iarratais a chur isteach ar bhonn leasaithe nó ar scála teoranta i 2012. An bhliain seo chugainn a thiocfaidh an costas lánbhliana maidir le scéim nua ar bith chun cinn agus caithfear é a chur san áireamh i Meastachán 2013 mo Roinne. Dá réir sin, beidh orm cinneadh a dhéanamh i gcomhthéacs na roghanna deacra a bheidh agam, le fanacht laistigh den teorainn chaiteachais laghdaithe le haghaidh 2013 atá aontaithe ag an Rialtas faoin Tuarascáil Chaiteachais Chuimsitheach 2012-14 agus go háirithe, maidir leis an mbealach a bhféadfaí scéim nua a airgeadú laistigh de na hacmhainní laghdaithe atá ar fáil dom agus an brú a chothódh séó thaobh an Vóta de. Is maith is eol dom na ceisteanna atá ardaithe ag an Teachta agus déanfaidh mé fógra maidir leis an ábhar seo in am trátha.