Dáil Éireann Debate, Wednesday - 6 June 2012
26 D’fhiafraigh Dessie Ellis den Aire Ealaíon, Oidhreachta agus Gaeltachta cén buiséad atá ag Ealaín na Gaeltachta i mbliana i gcomparáid leis na 5 bliana roimhe seo; agus cad iad na pleananna atá aige maidir le forbairt na heagraíochta seo. [27095/12]
Amharc ar fhreagraTuigtear dom ó Údarás na Gaeltachta gur cuireadh maoiniú mar a leanas ar fáil d'Ealaín (na Gaeltachta) Teo le cúig bliana anuas:
|
Bliain |
Maoiniú |
|
2011 |
€820,000 (suas go Márta 2012) |
|
2010 |
€866,000 |
|
2009 |
€950,000 |
|
2008 |
€1,013,000 |
|
2007 |
€980,000 |
Tuigtear dom ó Údarás na Gaeltachta fosta go mbeidh buiséad de €700,000 ar fáil d'Ealaín (na Gaeltachta) Teo i leith forbairt na n-ealaíon sa Ghaeltacht don tréimhse ón 1 Aibreán 2012 go dtí an 31 Márta 2013. Beidh €350,000 den bhuiséad seo á chur ar fáil ag Údarás na Gaeltachta, leis an bhfuílleach le teacht ón gComhairle Ealaíon.
Tuigtear dom chomh maith go bhfuil plean straitéise d'fhorbairt na n-ealaíon sa Ghaeltacht don tréimhse 2012-2016 ullmhaithe ag Ealaín (na Gaeltachta) Teo agus go bhfuil an plean sin curtha faoi bhráid na Comhairle Ealaíon. Táthar ag súil go mbeidh an plean seo réidh le seoladh taobh istigh d'achar gairid.
27 D’fhiafraigh Brian Stanley den Aire Ealaíon, Oidhreachta agus Gaeltachta cén buiséad atá ag Óige na Gaeltachta i mbliana i gcomparáid leis na 5 bliana roimhe seo; agus cad iad na pleananna atá aige maidir le forbairt na heagraíochta seo. [27096/12]
Amharc ar fhreagraTuigtear dom ó Údarás na Gaeltachta gur cuireadh maoiniú mar a leanas ar fáil d'Óige na Gaeltachta le sé bliana anuas:
|
Bliain |
Maoiniú |
|
2012 |
€285,000 |
|
2011 |
€340,000 |
|
2010 |
€367,000 |
|
2009 |
€300,000 |
|
2008 |
€300,000 |
|
2007 |
€300,000 |
Ach an oiread leis na heagraíochtaí eile pobail atá ag feidhmiú sa Ghaeltacht, beidh ról lárnach ag Óige na Gaeltachta i gcur i bhfeidhm naStraitéise 20 Bliain don Ghaeilge . Beidh Óige na Gaeltachta ag obair as lámha a chéile leis na heagraíochtaí forbartha pobail sa Ghaeltacht chun a chinntiú go mbeidh ról ag an óige sa phróiseas pleanála teanga.
Chomh maith leis sin, leanfaidh Óige na Gaeltachta ag cur seirbhísí ar fáil d'aos óg na Gaeltachta. Tuigtear dom go bhfuil oifigí ag Óige na Gaeltachta i gcontaetha Dhún na nGall, Gaillimh agus Corcaí. Tá 55 club óige faoi chúram na heagraíochta ag feidhmiú sna Gaeltachtaí éagsúla agus ag freastal ar timpeall 2,000 ball. Anuas air sin, tá 6 ionad 'buail isteach' ag feidhmiú sa Ghaeltacht le tacaíocht ó Óige na Gaeltachta. Tuigtear dom go ndéanfar gach iarracht cur le líon na n-ionad sin taobh istigh de na srianta airgeadais atá ar Údarás na Gaeltachta san aeráid eacnamaíoch reatha.
