Is colún lárnach de chur chuige an rialtais é an Straitéis 20 Bliain don Ghaeilge 2010-2030 chun a chinntiú go ndéantar an Ghaeilge a chur chun cinn agus a chothú ar fud an stáit. Tá cur chuige rialtais uile, faoi stiúir na Roinne Turasóireachta, Cultúir, Ealaíon, Gaeltachta, Spóirt agus na Meán, deartha chun a chinntiú go gcomhlíontar na spriocanna faoin straitéis. Tuairiscíonn an Roinn Breisoideachais agus Ardoideachais, Taighde, Nuálaíochta agus Eolaíochta ar ghníomhartha atá faoina shainchúram, atá faoi stiúir an Údaráis um Ardoideachas, rogha d’institiúidí ardoideachais aonair, agus na Roinne Turasóireachta, Cultúir, Ealaíon, Gaeltacht, Spórt agus na Meán. Áirítear leis na gníomhartha seo maoiniú a sholáthar don Údarás um Ardoideachas d’Acadamh na hOllscolaíochta Gaeilge (NUIG) i measc tionscnamh eile. Éascaíonn maoiniú den sórt sin cláir do dhaoine fásta i speisialtóireachtaí Gaeilge agus gairmiúla. Tá an Roinn Breisoideachais agus Ardoideachais, Taighde, Nuálaíochta agus Eolaíochta tiomanta dá oibleagáid leanúint de mhaoiniú a sholáthar do na tionscnaimh seo, atá ríthábhachtach do chur chun cinn agus do chothú na Gaeilge. Agus iad ag obair go dlúth leis an Roinn seo, cuireann na gníomhaireachtaí agus na hinstitiúidí seo go mór le cur chun cinn na Gaeilge san earnáil ardoideachais agus breisoideachais, agus tá mo Roinn ag tnúth le rannchuidiú le plean gníomhaíochta nua 5 bliana a fhorbairt, a thiocfaidh i bhfeidhm ó 2022 ar aghaidh.
Is príomhcháipéis é an Ráiteas Straitéise ina leagtar béim ar spriocanna ardleibhéil mar fhócas straitéiseach don Roinn Breisoideachais agus Ardoideachais, Taighde, Nuálaíochta agus Eolaíochta. Ag teacht leis an gcur chuige seo, ní thugtar sonraí mórchuid de ghníomhaíochtaí agus de thosaíochtaí na Roinne.
