Feidhmíonn Comhaltaí de Choimisiún Thithe an Oireachtais i gcáil chorpraithe agus ní dhéanann siad ionadaíocht dá bpáirtithe. Feidhmíonn an Coimisiún de réir an phrionsabail ghinearálta go bhféachann sé le tacaíocht a thabhairt do na Tithe agus do gach Comhalta go cothrom agus a ról mar ionadaithe tofa á chomhlíonadh acu.
Tá 11 chomhalta ar Choimisiún Thithe an Oireachtais agus is é an Ceann Comhairle, atá ina Chathaoirleach ar Dháil Éireann, an cathaoirleach. Leagtar amach comhaltas Choimisiún Thithe an Oireachtais san Acht um Choimisiún Thithe an Oireachtais, 2003.
Bíonn na daoine seo a leanas ar Choimisiún Thithe an Oireachtais:
- Cathaoirleach Dháil Éireann
- Cathaoirleach Sheanad Éireann
- Ard-Rúnaí Sheirbhís Thithe an Oireachtais
- Comhalta de cheann amháin de Thithe an Oireachtais arna cheapadh ag an Aire Caiteachais Phoiblí agus Athchóirithe, ar a dtugtar ionadaí an Aire
- Ceathrar gnáthchomhaltaí arna gceapadh ag an Dáil
- Triúr gnáthchomhaltaí arna gceapadh ag an Seanad.
Comhaltaí i láthair na huaire
| Peter Finnegan Ard-Rúnaí |
Comhalta ex officio Príomhfheidhmeannach |
| An Teachta Verona Murphy An Ceann Comhairle |
Comhalta ex officio |
| Cathaoirleach Sheanad Éireann | Comhalta ex officio |
| Folúntas* | Ionadaí an Aire |
| An Seanadóir Paddy Burke | Comhalta den Seanad |
| Folúntas* | Comhalta den Dáil |
| Folúntas* | Comhalta den Dáil |
| An Seanadóir Ned O’Sullivan | Comhalta den Seanad |
| Folúntas* | Comhalta den Dáil |
| Folúntas* | Comhalta den Dáil |
| An Seanadóir Rónán Mullen | Comhalta den Seanad |
*D’éirigh na Teachtaí Francis Noel Duffy, Jennifer Murnane O’Connor, Louise O’Reilly, Jennifer Whitmore agus Michael Ring as a bheith ina gcomhaltaí den Choimisiún tar éis lánscor an 33ú Dáil.
Cód iompair
Leagtar síos i gcód iompair Choimisiún an Oireachtais na caighdeáin eiticiúla chomhaontaithe a threoraíonn iompar comhaltaí. Glacadh leis in 2011 i ndiaidh dul i gcomhairle leis an gCoimisiún um Chaighdeáin in Oifigí Poiblí.
Nuashonraithe go deireanach: 14 Deireadh Fómhair 2020