Tá sé mar aidhm againn rochtain le Teanga Chomharthaíochta na hÉireann (TCÉ) ar Thithe an Oireachtais a chur chun cinn agus a fheabhsú.
Gluais TCÉ de théarmaí parlaiminte dár gcuid a bhfuil duaiseanna buaite aici
I gcomhthráth le Lá Náisiúnta Theanga Chomharthaíochta na hÉireann, seoladh gluais TCÉ de théarmaí parlaiminte i mí na Nollag, 2023.
D’eascair an ghluais ó phróiseas taighde, for-rochtana agus comhoibrithe le páirtithe leasmhara, lenar áiríodh baill de phobal na mBodhar.
Tugadh aitheantas don ghluais ag an 9ú hócáid bhliantúil de Ghradaim Feabhais agus Nuálaíochta na Státseirbhíse i mí an Mheithimh, 2024 nuair a bronnadh an gradam, “Státseirbhís den Chéad Scoth” uirthi.
TCÉ ar Theilifís an Oireachtais
Bíonn TCÉ agus fotheidil san áireamh i gcuid de na cláir ar Theilifís an Oireachtais.
Breathnaigh ar an sceideal is déanaí de chuid Theilifís an Oireachtais lena fháil amach.
Ár Seirbhísí TCÉ
- Teilifís Bheo an Oireachtais
-
Cuirimid ateangaireacht bheo ar na díospóireachtaí Oireachtais seo a leanas ar fáil. Bíonn ateangaireacht bheo faoi réir sceidealú i gcónaí agus is féidir léi athrú ar gearrfhógra.
Dáil Éireann
Ceisteanna ó Cheannairí
Ceisteanna an Taoisigh
Ceisteanna maidir le reachtaíocht a gealladh
Seanad Éireann
Nithe i dtosach suí
Coistí
Suíonna poiblí an an Choiste um na nithe a bhaineann le Míchumas
- Léirithe Theilifís an Oireachtais
-
Cuirimid ateangaireacht ar léiriúcháin roghnaithe de chuid Theilifís an Oireachtais ar fáil
- Around the Houses
- Díospóireachtaí Theilifís an Oireachtais
- Léiriúcháin eile de chuid Theilifís an Oireachtais ar nós cláir faisnéise agus cláir speisialta
- Suíomhanna gréasáin
-
Tá físeáin TCÉ leabaithe i leathanaigh roghnaithe den suíomh gréasáin.
- Turais ar Theach Laighean
-
Cuirimid ateangaireacht TCÉ ar thurais phoiblí ar Theach Laighean ar fáil ach í a iarraidh.
Tá turais ar Theach Laighean ar ceal mar thoradh ar Covid-19 go dtí go bhfógrófar a mhalairt. Nuair a thosaímid ar ár dturais phoiblí, is féidir leat teagmháil a dhéanamh leis an bhfoireann TCÉ chun turas a eagrú le TCÉ.
- Seirbhísí TCÉ eile
-
Cuirimid ateangaireacht TCÉ ar fáil d’imeachtaí speisialta agus do chláir oideachais agus for-rochtana ag Tithe an Oireachtais. Mar shampla, rinneamar ateangaireacht ar chúrsa speisialta polaitíochta a mhair ceithre seachtaine do scoláirí ag Scoil an Teaghlaigh Naofa do Dhaoine Bodhra agus ar chomhaireamh chorrthoghcháin an tSeanaid 2021.
D'éascaigh muid socrúcháin do mhic léinn Ionad Léann na mBodhar, Coláiste na Tríonóide, Baile Átha Cliath.
I gcomhfhiontar le hIonad Léann na mBodhar táimid ag forbairt gluais nua TCÉ de théarmaíocht pharlaiminteach.
Tá ateangaireacht TCÉ á cur ar fáil againn d’fhíseáin sheimineáir Machnamh 100 a reáchtáil an tUachtarán Micheál D. Ó hUigínn. Le linn 2021, tá sraith seimineár á óstáil ag an Uachtarán Ó hUigínn ag lorg machnamh ar Chogadh na Saoirse, Idirbheartaíocht an Chonartha, an Cogadh Cathartha agus an Chríochdheighilt.
Físeáin le déanaí lena bhfuil ateangaireacht Theanga Chomharthaíochta na hÉireann
Perspectives, Episode 10 – Mary White with ISL Interpretation
Teanga Chomharthaíochta na hÉireann, Cláir Faisnéise Theilifís an Oireachtais, Léiriúcháin mhíosúla Theilifís an Oireachtais
Luan, 2 Noll 2024
In this series, Sean O’Rourke sits down with former Members of the Oireachtas to discuss their life in politics. This week, Se...
Perspectives, Episode 9 – Joe Higgins with ISL Interpretation
Teanga Chomharthaíochta na hÉireann, Léirithe an Oireachtais, Cláir Faisnéise Theilifís an Oireachtais
Luan, 25 Samh 2024
In this series, Sean O’Rourke sits down with former Members of the Oireachtas to discuss their life in politics. This week, Se...
Perspectives, Episode 8 – Dr James Reilly with ISL Interpretation
Teanga Chomharthaíochta na hÉireann, Léirithe an Oireachtais, Cláir Faisnéise Theilifís an Oireachtais
Luan, 18 Samh 2024
In this series, Sean O’Rourke sits down with former Members of the Oireachtas to discuss their life in politics. This week, Se...
Ag bualadh le Teachtaí Dála agus na Seanadóirí le hateangaireacht TCÉ
Baill de phobal na mBodhar Más mian leat cruinniú a iarraidh le Teachta Dála nó le Seanadóir, gheobhaidh tú sonraí teagmhála ar leathanach na dTeachtaí Dála & Seanadóirí. Féadfaidh do TD nó do Sheanadóir ateangaireacht TCÉ a shocrú.
Teachtaí Dála agus Seanadóirí Is féidir leat gné an Liúntais Ionadaíochta Poiblí (LIP) den Liúntas Caighdeánach Parlaiminte (LCP) a úsáid chun costas na hateangaireachta TCÉ a íoc. Faigh tuilleadh eolais ar leathanach an Liúntais Chaighdeánaigh Parlaiminte nó déan teagmháil leis an Ionad Ilfhreastail.
Chun ateangaire a aimsiú, féach Eolaire na nAteangairí ar shuíomh gréasáin Chlár Ateangairí Theanga Chomharthaíochta na hÉireann (RISLI). Ní mór do chomhlachtaí poiblí ateangaire cláraithe RISLI a úsáid.
Lá sa saol | Ateangairí TCÉ
Oibríonn ár bhfoireann TCÉ i ndlúthchomhar le chéile chun ateangaireacht agus aistriúchán TCÉ a chur ar fáil ar dhíospóireachtaí, imeachtaí agus ábhar suímh gréasáin an Oireachtais. Foghlaim faoi lá i saol ateangairí TCÉ.
An Seanad
Tosach feidhme an Achta um Theanga Chomharthaíochta na hÉireann, 2017
Féach ar ráitis sa Seanad ar thosach feidhme an Achta um Theanga Chomharthaíochta na hÉireann, 2017.
Cuireadh tús leis an Acht an 23 Nollaig 2020. Aithnítear ann TCÉ mar theanga dhúchais de chuid an Stáit.
Reachtaíocht
An tAcht um Theanga Chomharthaíochta na hÉireann, 2017
Féach ar aistriúchán TCÉ ar an Acht um Theanga Chomharthaíochta na hÉireann, 2017. Foráiltear san Acht d’aitheantas a thabhairt do TCÉ, dá húsáid in imeachtaí dlíthiúla agus do sholáthar seirbhísí ateangaireachta TCÉ ag comhlachtaí poiblí.
Ní aistriúchán oifigiúil ar an Acht é an t-aistriúchán TCÉ seo.
Amhrán na bhFiann
Amhrán na bhFiann
Bhí páistí bodhra i scoil i mBaile an Easpaig, Corcaigh, chun tosaigh i dtionscadal chun aistriúchán oifigiúil TCÉ a chruthú d’amhrán náisiúnta na hÉireann, Amhrán na bhFiann. Léiríodh an leagan TCÉ d’Amhrán na bhFiann den chéad uair i dTeach Laighean i mí Iúil 2018.
Cúpla focal
Useful phrases in ISL
TDs and Senators: would you like to use some ISL phrases in your speeches in the Houses?
See how to sign some commonly used phrases.
Sonraí teagmhála
Má bhíonn aon tuairimí nó ceisteanna agat faoinár seirbhísí TCÉ, déan teagmháil linn.
An tAonad Cumarsáide
Teach Laighean
Sráid Chill Dara
Baile Átha Cliath
D02 XR20