Tionól Parlaiminteach na hEagraíochta um Shlándáil agus Comhar san Eoraip (OSCE PA)

Cuireann Tionól Parlaiminteach na hEagraíochta um Shlándáil agus Comhar san Eoraip fóram ar fáil le haghaidh idirphlé parlaiminteach idir 323 parlaiminteoir ó 57 ballstát na hEagraíochta um Shlándáil agus Comhar san Eoraip.

Toscaireacht na hÉireann

Is í an Eagraíocht um Shlándáil agus Comhar san Eoraip an eagraíocht slándála réigiúnach is mó ar domhan, lena n-áirítear ionadaíocht ó Mheiriceá Thuaidh, ón Eoraip agus ón Áise. Tá siad seo a leanas ina gcomhaltaí de thoscaireacht na hÉireann de Thionól Parlaiminteach na hEagraíochta um Shlándáil agus Comhar san Eoraip (OSCE PA).

Comhalta
An Teachta Michael Creed An Ceann Toscaireachta	An Teachta Matt Carthy
An Seanadóir Shane Cassells	An Seanadóir Rebecca Moynihan
An Seanadóir Pauline O’Reilly	An Seanadóir Tom Clonan
Comhaltaí malartacha
An Seanadóir Lynn Ruane	An Teachta Martin Kenny

Seisiúin Thionól Parlaiminteach na hEagraíochta um Shlándáil agus Comhar san Eoraip

Tagann comhaltaí an Tionóil le chéile trí huaire in aghaidh na bliana chun plé a dhéanamh ar raon leathan saincheisteanna a bhaineann leis an bpríomhsprioc atá acu: slándáil dhaonna do gach duine i réigiún na hEagraíochta um Shlándáil agus Comhar san Eoraip.

Tagann an Tionól le chéile faoi choinne sheisiún bliantúil an gheimhridh i Vín i mí Feabhra gach bliain. Is éard atá i gcruinniú an gheimhridh cruinnithe den bhuanchoiste agus de na trí choiste ghinearálta de chuid an Tionóil.

Is é an seisiún bliantúil an t-imeacht is mó i bhféilire an Tionóil. Reáchtáiltear é i mí Iúil i bparlaimint stáit, ar stát é atá rannpháirteach san Eagraíocht um Shlándáil agus Comhar san Eoraip. Ag an seisiún bliantúil, buaileann an Tionól le chéile sa bhuanchoiste, i dtrí choiste ghinearálta agus i seisiún iomlánach chun moltaí faoi shaincheisteanna a bhaineann leis an Eagraíocht um Shlándáil agus Comhar san Eoraip a phlé agus a cheadú agus chun oifigigh nua a thoghadh.

Tionóltar cruinniú bliantúil an fhómhair i stát rannpháirteach de chuid na hEagraíochta um Shlándáil agus Comhar san Eoraip freisin, i mí Dheireadh Fómhair go hiondúil. Is éard atá ann comhdháil pharlaiminteach, cruinniú d'fhóram Thionól Parlaiminteach na hEagraíochta um Shlándáil agus Comhar san Eoraip do thíortha na Meánmhara agus cruinniú den bhuanchoiste.

Ina theannta sin, glacann comhaltaí páirt i misin bhreathnóireachta toghcháin ar iarratas ón Eagraíocht um Shlándáil agus Comhar san Eoraip.

An 22ú hÓcáid de Chruinniú an Fhómhair de chuid Thionól Parlaiminteach na hEagraíochta um Shlándáil agus Comhar san Eoraip

An tIonad Comhdhála, Baile Átha Cliath | 2-4 Deireadh Fómhair 2024

Bhí parlaiminteoirí ón 57 náisiún i réigiún na hEagraíochta um Shlándáil agus Comhar san Eoraip i láthair ag an gcruinniú trí lá seo i mBaile Átha Cliath, a raibh Tithe an Oireachtais ina n-óstaigh dó. San áireamh san imeacht i mBaile Átha Cliath bhí an chomhdháil pharlaiminteach, cruinniú d’fhóram na Meánmhara agus den bhuanchoiste.