Bhí an Chomhdháil Idirnáisiúnta um Chácais na mBanpharlaiminteoirí ar siúl an 9 agus an 10 Meán Fómhair 2018 i gCaisleán Bhaile Átha Cliath, Éire.
Tháinig parlaiminteoirí as gach cearn den domhan le chéile ag an gcomhdháil chun plé a dhéanamh ar shaincheisteanna a bhíonn le plé ag mná agus ar conas is féidir le parlaiminteoirí dul i ngleic leo. Bhí parlaiminteoirí i láthair as breis is dhá scór tír, lena n-áirítear an Airgintín, an Mhaláiv, an Mhongóil, an Nua-Shéalainn, an Phacastáin agus na Stáit Aontaithe. Ba í an Ró-Onórach Harriet Harman QC MP, as Páirtí an Lucht Oibre sa Ríocht Aontaithe an príomhchainteoir ag an ócáid, agus labhair an tOllamh Mary Beard ag an gcomhdháil freisin. Phléigh painéal ar a raibh an t-údar Martina Devlin ina cathaoirleach faoin bhfís do mhná in 2118.
Dearbhú Bhaile Átha Cliath
Ghlac an slua a d’fhreastail ar an gComhdháil le Dearbhú Bhaile Átha Cliath, togra i gcomhair gníomhaíochta maidir le mná sa pholaitíocht. Mar chuid den dearbhú sin tá tiomantas oibriú i measc na bpáirtithe agus smaointe idé-eolaíocha in iarracht comhionannas inscne a bhaint amach.
Clár
Íoslódáil leabhrán chlár Chomhdháil Idirnáisiúnta um Chácais na mBanpharlaiminteoirí, 2018.
Físeán – cuid 1
Mná sa cheannaireacht – Harriet Harman MP
I gcuid 1 de Chomhdháil Idirnáisiúnta um Chácas Parlaiminte na mBan, labhair Harriet Harman leis an gcomhdháil maidir le mná sa cheannaireacht.
Físeán – cuid 2
Mná sa tSochaí agus sa Pholaitíocht sa lá atá inniu ann - an tOllamh Mary Beard
I gcuid 2, thug an tOllamh Mary Beard a dearcadh faoi mhná sa tsochaí agus sa pholaitíocht. D’fhreagair an tOllamh Mary McAuliffe ansin, agus ina dhiaidh sin bhí ceisteanna ó thoscairí.
Físeán – cuid 3
Ár bhFís do Mhná in 2118 – plé painéil
Bhí an t-údar Martina Devlin ina cathaoirleach ar phlé le painéalaithe Kareen Jabre, Orla O’Conor, Laura Friedman, an Dr Jessie Kabwila agus Stella Creasy. Phléigh siad a bhfís do mhná in 2118.
Físeán – cuid 4
Aitheasc ón Taoiseach, Leo Varadkar TD
Thug an Taoiseach (Príomh-Aire na hÉireann), Leo Varadkar aitheasc oscailte na comhdhála.
Toscairí ag an gComhdháil Idirnáisiúnta um Chácais na mBanpharlaiminteoirí, 2018
Mary Beard
Clasaicíoch, údar agus láithreoir teilifíse
Tá Mary Beard ar cheann de na clasaicígh is mó le rá sa Bhreatain. Tá sí ina hOllamh in Ollscoil Cambridge agus is Comhalta de Choláiste Newnham í. Tá anrud leabhar scríofa aici faoin seansaol lena n-áirítear leabhar a bhuaigh Gradam Wolfson, dar teideal Pompei: The Life of a Roman Town. Tá sraitheanna teilifíse a bhfuil an-cháil orthu curtha i láthair aici lena n-áirítear Meet the Romans agus Rome – Empire without Limit. Bíonn sí ina craoltóir agus ina tráchtaire sna meáin go rialta freisin. Ina theannta sin, tá Mary ina heagarthóir ar chúrsaí clasaicí in The Times Literary Supplement agus scríobhann sí blag machnamhach dar teideal A Don's Life. Bronnadh OBE uirthi in 2013 as seirbhísí don léann clasaiceach. I measc na leabhar a scríobh sí ar na mallaibh tá SPQR – A History of Ancient Rome a thuill moladh na léirmheastóirí agus an saothar machnamhach Women & Power. Tá Mary ar cheann de na láithreoirí i sraith nua BBC, Civilisations.