19 Feabh 2020, 19.04

Tá na hainmnithe bailí seo a leanas glactha ag Cléireach Dháil Éireann, an tUasal Peadar Ó Fionnagáin, agus meastar, dá réir sin, gur iarrthóirí iad ar phost an Cheann Comhairle.

Is iad seo a leanas na hainmnithe:

  1. Donnacha Ó Neachtain – Ros Comáin-Gaillimh
  2. Seán Ó Fearghaíl, Cill Dara Theas

Comórfar an 33ú Dáil ar 12 meán lae amárach, Déardaoin, an 20 Feabhra.

I dtosach, léifidh Cléireach Dháil Éireann an Forógra, a bheidh faighte ón Uachtarán Micheál D. Ó hUigínn, ag comóradh an 33ú Dáil agus, ina dhiaidh sin, léifidh sé an Tuarascáil maidir le heisiúint na n-eascairí agus, ansin, ainmneacha na gComhaltaí a toghadh i ngach Dáilcheantar de réir an oird inar toghadh iad.

Is é an chéad mhír ghnó eile ina dhiaidh sin Ceann Comhairle a thoghadh.

Roghnófar an Ceann Comhairle trí rúnbhallóid agus, ansin, déanfar an duine a roghnaíodh a thoghadh go foirmiúil trí vótáil phoiblí sa Dáil.

 

Media enquiries

Alan Neary,
Tithe an Oireachtais,
Oifigeach Cumarsáide,
Teach Laighean, 
Baile Átha Cliath 2
+353 1 618 4743
+353 86 010 7500
alan.neary@oireachtas.ie
Twitter: @OireachtasNews