Tá an Comhchoiste um Thithíocht, Rialtas Áitiúil agus Oidhreacht chun plé a dhéanamh ar an dtuarascáil eatramhach ar bhásmhaireacht i ndaoine aonair gan dídean.

Agus é ag labhairt roimh an gcruinniú ag a 10 a chloig ar maidin i Seomra Coiste 4 i dTeach Laighean, bhí an méid seo a leanas le rá ag Cathaoirleach an Choiste, an Teachta Steven Matthews: “Tá an Coiste ag súil le plé a dhéanamh leis an Dr O’Carroll ar shonraí a thuarascála eatramhaí maidir le leibhéil na básmhaireachta i measc daoine aonair gan dídean i mBaile Átha Cliath, a choimisiúnaigh Feidhmeannach Réigiúnach Bhaile Átha Cliath do Dhaoine Gan Dídean agus imní ann faoi líon na ndaoine gan dídean a fuair bás sa phríomhchathair in 2020.”

Tá 14 Chomhalta ag an gComhchoiste um Thithíocht, Rialtas Áitiúil agus Oidhreacht, naonúr ón Dáil agus cúigear ón Seanad.

Is féidir an cruinniú i Seomra Coiste 4 a fheiceáil beo ar Theilifís an Oireachtais.

Is féidir breathnú ar imeachtaí an Choiste ar Aip Fón Cliste Thithe an Oireachtais, atá ar fáil d’fhearais Apple agus Android.