An Coiste Talmhaíochta chun athchromadh ar dhíospóireacht faoin Treoir um Níotráití agus faoin gClár Gníomhaíochta um Níotráití

Craolfar an cruinniú ó Sheomra Coiste 3 de Theach Laighean.

Tá an Treoir um Níotráití (91/676/EEC) ar bun ó 1991. Tá d’aidhm aici cáilíocht uisce a chosaint ó thruailliú ag foinsí talmhaíochta agus chun úsáid dea-chleachta feirmeoireachta a chur chun cinn. Ceanglaítear ar gach Ballstát AE Cláir Gníomhaíochta Náisiúnta um Níotráití (CGN) a ullmhú ina léirítear na rialacha d’aoiligh bheostoic agus leasacháin eile a bhainistiú agus a fheidhmiú.

Tá an Clár Gníomhaíochta Náisiúnta um Níotráití de chuid na hÉireann ceaptha chun uiscí dromchla agus uiscí talún a chosaint ó thruailliú ag foinsí talmhaíochta agus chun cáilíocht uisce a chosaint agus a fheabhsú. Tháinig an ceathrú CGN de chuid na hÉireann i ngníomh in 2017 agus athbhreithneofar é in 2021.

Ní mór a bheith ar áireamh i CGN gach Ballstáit:

• teorainn ar an méid d’aoileach beostoic atá le cur ar an talamh gach bliain
• tréimhsí a shocrú a dtoirmisctear scaipeadh a dhéanamh ar an talamh lena linn mar gheall ar phriacal
• leibhéil acmhainne a shocrú le haghaidh aoileach beostoic a stóráil

Ceanglaítear ar Bhallstáit a CGN a athbhreithniú gach ceithre bliana ar a laghad. Athbhreithneofar Clár Gníomhaíochta reatha de chuid na hÉireann le linn 2021.

Mhínigh an Cathaoirleach, Seán Ó Cathail TD: “Cuireann an Coiste fáilte roimh an deis an Treoir um Níotráití agus cáilíocht uisce a phlé ag an gcruinniú inniu le GCC. Tá sé tábhachtach go n-oibreoidh na gníomhaireachtaí iomchuí, Earnáil na Talmhaíochta agus na feirmeoirí le chéile chun a chinntiú go mbeidh dea-bhail ar ár gcórais uisce, lochanna, aibhneacha agus inbhir agus go n-oibríonn gach duine chun an tionchar daonna a mhaolú a mhéid is féidir.”

Dúirt an Cathaoirleach freisin: “Tacaíonn an Coiste agus mé féin le prionsabal bunúsach an Chláir Gníomhaíochtaí um Níotráití – arb éard é an tionchar comhshaoil ar uisce dromchla agus talún a laghdú ag tionscal na feirmeoireachta.

Ach chun an t-imní a bhí orainn roimhe seo a athrá, d’fhéadfadh go mbeidh éifeachtaí fadtéarmacha le hathruithe beartas gearr-radharcacha ar earnáil na talmhaíochta agus earnáil na feirmeoireachta againn- tá gá le réitigh fhad-radharcacha. Tá imní fós ann faoin tionchar ar ioncaim feirme agus faoina mhéid a thacófar le feirmeoirí chun na bearta nua a chur i bhfeidhm.

Táimid ag tnúth le bualadh leis na Ranna inniu chun na saincheisteanna seo agus na hathruithe táchachtacha beartas a phlé.

Tá 14 Chomhaltaí ar an gComhchoiste um Thalmhaíocht, Bia agus Muir, naonúr ón Dáil agus cúigear ón Seanad.

Is féidir breathnú ar an gcruinniú i Seomra Coiste 3 ar shuíomh gréasáin an Oireachtais.

Is féidir teacht ar thuilleadh faisnéise ar leathanach gréasáin tiomanta an Choiste. Is féidir breathnú ar imeachtaí an Choiste ar Fheidhmchlár Fóin Chliste Thithe an Oireachtais a bhíonn ar fáil ar fheistí Apple agus Android.