Creideann Comhchoiste na Gaeilge gur chóir go mbeadh Páipéar T2 na Gaeilge dúshlánach ach indéanta i gcomparáid leis an oiliúint atá faighte ag na daltaí ina leith

Beidh an cheist seo á phlé aige le Coimisiún na Scrúduithe Stáit, agus beidh an-suim ag an gComhchoiste tuairimí an Choimisiúin ar an imní a léirigh roinnt finnéithe eile i leith Pháipéar T2 a chloisteáil.

Tosóidh an cruinniú ag 13.30 i Seomra Coiste 4, TL 2000, Teach Laighean.

Dúirt Cathaoirleach an Chomhchoiste, an Teachta Dála Aengus Ó Snodaigh: “Baineann páipéar T2 na Gaeilge leis na meánscoileanna Béarla agus leis na daltaí a bhfuil an Ghaeilge ina dara teanga acu. In ainneoin nach bhfuil an caighdeán chomh hard sa T2 is atá sé sa T1, tá dualgas orainn a chinntiú, nach bhfuil sé ró-éasca ná ró-dian i gcomparáid leis an oiliúint atá faighte ag na daltaí agus iad ag ullmhú ina leith. Tá orainn a chinntiú go bhfuil an caighdeán dúshlánach ach indéanta ag an am céanna. Ní leor ‘an cúpla focal’ ach, ag an céanna, tá orainn deachrachtaí na ndaltaí i leith an dara teanga a thuiscint.”

Tá 14 Chomhalta, naonúr ó Dháil Éireann agus cúigear ó Sheanad Éireann, mar Chomhaltaí den Chomhchoiste na Gaeilge, na Gaeltachta agus Phobal Labhartha na Gaeilge.

Is féidir an cruinniú, i Seomra Coiste 4 a fheiceáil beo ar Teilifís an Oireachtais.

Chomh maith leis sin, is féidir imeachtaí an Chomhchoiste a fheiceáil ar aip fhónchliste Thithe an Oireachtais, a bhfuil ar fáil ó ghléasanna Apple agus Android.