Na Straitéisí agus na Beartais atá gcur i gcrích chun an Ghaeilge a chur chun cinn ag an 3ú leibhéal á bplé ag Comhchoiste na Gaeilge

Tosóidh an cruinniú 11.00 i Seomra Coiste 3.

Dúirt Cathaoirleach an Choiste, an Teachta Dála Catherine Connolly: “Beidh an-suim agam agus ag na Comhaltaí eile fáil amach an bhfuil nó nach bhfuil straitéisí agus beartais ar leith á gcur i gcrích chun an Ghaeilge a chur chun cinn trasna na hearnála tríú leibhéal, ó thaobh mhúineadh na Gaeilge agus fheiceálacht agus úsáid na Gaeilge de araon. Beimid ag iarraidh an tacaíocht agus an spreagadh atá á dtabhairt do na coláistí tríú leibhéal agus do na cairde léinn féin a aimsiú agus a phlé leis na hionadaithe ón Roinn.”

Tá 14 Chomhalta, naonúr ó Dháil Éireann agus cúigear ó Sheanad Éireann, mar Chomhaltaí de chuid Chomhchoiste na Gaeilge, na Gaeltachta agus Phobal Labhartha na Gaeilge. 

Is féidir féachaint ar an gcruinniú seo beo ó Sheomra Coiste 3 ar Teilifís an Oireachtais. 

Chomh maith leis sin, is féidir imeachtaí an Chomhchoiste a fheiceáil ar aip fónchliste Thithe an Oireachtais, atá ar fáil ar ghléasanna Apple agus Android.