Caiteachas Gaeilge agus Gaeltachta

Wednesday, 29 November 2023

Questions (53)

Rose Conway-Walsh

Question:

53. D'fhiafraigh Deputy Rose Conway-Walsh den Aire Caiteachais Phoiblí, Seachadta ar an bPlean Forbartha Náisiúnta, agus Athchóirithe an bhfuil sé sásta bualadh le toscaireacht ón earnáil Gaeilge agus Gaeltachta maidir leis an bPlean Fáis, plean infheistíochta atá seolta ag Conradh na Gaeilge agus a bhfuil tacaíocht aige ó bhreis is 130 grúpa fud fad na tíre, chun caiteachas don earnáil a phlé i gcomhthéacs chaiteachas iomlán an Stáit, ní hamháin buiséad Roinn na Gaeltachta; agus an ndéanfaidh sé ráiteas ina thaobh. [52778/23]

View answer

Written answers

Minister for Public Expenditure, National Development Plan Delivery and Reform

Is ag an Aire Turasóireachta, Cultúir, Ealaíon, Gaeltachta, Spóirt agus Meán agus ag Aire Stáit na Gaeltachta atá an phríomhfhreagracht maidir leis an nGaeilge agus pobal na Gaeilge. Is é sin an bealach is fearr agus is oiriúnaí chun an seasamh iomlán maidir le polasaí agus cleachtadh Gaeilge ar fud an Rialtais a phléigh. Táim sásta ar ndóigh, agus bheadh an Rialtas sásta chomh maith, aon mholadh a thabharfaidh an Roinn sin chun cinn a mheas.