Níl cead iarrtha ag RTÉ chun úsáid a bhaint as bealach craolta ins an mbanda VHF ó Mullach an Ois chun Teilifís na Gaeilge a chraoladh. Cé nach raibh sé d'aon guth, tuigim gur mhol Coiste Teicniúil Theilifís na Gaeilge, a bunaíodh, inter alia, chun córas craolacháin a shocrú do Theilifís na Gaeilge, nach raibh aon dul as ach cloí leis an gcóras UHF ionas go mbeadh sé ar fáil ar fud na tíre. Is é sin an córas a úsáideann RTÉ níos minicí anois agus is é sin an córas a úsáidfear chun TV3 a craoladh nuair a bheidh sé bunaithe.
Maidir le MMDS, níl aon ordú den saghas atá luaite ag an Teachta déanta agam. I gcomhluadar leis an Aire Ealaíon, Cultúir agus Gaeltachta tá sé beartaithe go mbeidh Teilifís na Gaeilge le fáil go foirleathan sa tír ins an tslí chéanna ina bhfuil RTÉ 1 agus Network 2 ar fáil faoi láthair. De thoradh san, ní gá Teilifís na Gaeilge a iompar ar MMDS. Pé scéala níl RTÉ 1 nó Network 2 ar fáil faoí láthair ar MMDS agus bheadh sé deacair na seirbhísí seo a chuir ar fáil ar MMDS toisc an ganntanas acmhainne atá ar fáil don chóras sin.