Tairgim:—
Go ndeonfar suim nach mó ná £292,500 chun slánuithe na suime is gá chun íoctha an mhuirir a thiocfas chun bheith iníoctha i rith na bliana dar críoch an 31ú lá de Márta, 1959, le haghaidh Tuarastal agus Costas Roinn na Gaeltachta maille le Deontais le haghaidh Tithe agus Ildeontais-i-gCabhair.
Taispeánann an meastachán don bhliain seo breis de £51,560 glan thar an soláthar a rinneadh don bhliain seo caite. Chífear gur méadú sa tsoláthar do na Scéimeanna Feabhsúcháin is mó faoi ndear an méadú sin ach taobh amuigh de sin tá athrú bunúsach sa Mheastachán seo de bharr Bord neamhspleách a bheith bunaithe do na tionscail tuaithe—sé sin, in ionad soláthar sonrach a dhéanamh do chuspóirí éagsúla na dtionscal mar a deintí roimhe seo tá soláthar do Dheontas-igCabhair don Bhord. Tiocfaidh mé ar ais chuige seo níos déanaí ach ba mahaith liom a mhíniú don Dáil conas mar d'athraigh bunú an Bhoird foirm an Mheastacháin.
Maidir le Fo-mhírchinn A, B Agus C, chífrar nach bhfuil soláthar dá dhéanamh i mbliana Íaoi Fho-mhírcheann A do phostanna éagsúla cléireachais agus teichiúla a bhíodh ann do na tionscail tuaithe. Tá formhór na nOifigeach a bhí fostaithe sna postanna sin tugtha ar iasacht sealadach don Bhord. Tá soláthar i gcnapshuimeanna faoi Fho-mhírcheann A do thuarastail na nOifigeach sin agus tá soláthar faoi Fho-mhírechinn B agus C dá gcostais taistil agus costais teagmhasacha a bhaineann leo, ach chífear go bhfuil soláthar freisin faoi Fho-mhírecheann R. 5 chun a geaithfear ar na hOifigigh sin atá ar iasacht d'aisghnóthú ón mBord. Mar sin, ní bheidh de mhuirear glan ar Vóta na Roinne ach tuarastaií agus costais na nOifigeach atá fostaithe ar obair na Roinne féin.
Maindir leis na tionscail tuaithe, a bhíodh faoi stiúrú mo Roinne-se roimhe seo, mar is eol do na Teachtaí eitheadh an tAcht Um Thionscail na Gaeltachta anuraidh. I bhfeidhmiú na gcumhacht a tugadh dom faoi Alt 2 den Acht sin, tá an chéad lá d'Aibreán, 1958, ceaptha agam mar an lá bunaithe, agus dá réir sin tá rialú agus bainistíocht na dTionscal aistrithe anois chuig Bord ar a nglaoítear Gaeltarra Éireann.
Dá bhrí sin, ní déantar siláthar i meastachán mo Roinne do na tionscail tuaithe amhail a rinneadh sna blianta roimhe seo. Ina ionad, tá soláthar á dhéanamh fé Fho-mhírcheann D sa mheastachán seo le haghaidh deontas-i-gcabhair de mhéid £220,000 chun a chur ar chumas an Bhoird a chuid dualgas a chomhlíonadh. Tuigfear, ar nodóigh, gur breis an deontas-i-gcabhair ar aon teacht-isteach is féidir a bheas ar fáil don Bhord ó dhíol déantúisí na dtionscal tuaithe. Roimhe seo taispeántaí an teacht-isteach sin i meastachán mo Roinne mar leithreasaí-i-gcabhair—Fomhírcheann R.
Fé mar a socraítear faion Acht, cuirfidh an Bord at fáil dom in am tráth cuntais bhliantúla iniúchtha maraon le tuarascáil ar a n-imeachta i geaitheamh na bliana, agus leagfar cóipeanna de na cuntais agus den tuarascáil bhliantúil faoi bhtáid gach Tí den Oireachtas.
Le linn na bliana atá thart bhí méadú i ndíol earraí de gach tionscal. Mhéadaigh díolacháin bréidín de níos mó ná triocha-sé míle punt. Mhéadaigh díolacháin earraí maisín-chniotála de níos mó ná fiche-seacht míle punt. Mhéadaigh díolacháin earraí na dtionscal láimhe—sé sin láimh-chniotáil, cróise agus bróidnéireacht—de níos mó ná trí mhíle déag punt, agus, i gcás ná mBréagán, bhí méadú de níos mó ná hocht míle punt ann.
Mar sin bhí méadú iomlán de níos mó ná ochtó-sé míle punt sna díolacháin, uile, sa bhliain seo caite. Chuir an méadú sin na díolacháin suag go dtí £580,000 i gcomparáid le tuairim £494,000 don bhliain roimhe sin. Tríd síos bhí cúrsaí trádála na dtionscal tuaithe go sásúil i rith na bliana. Maidir leis an scéal amach anseo, is deacair é a mheas go cruinn ag an am seo. Bhí deacrachtaí ar leith i gcúrsaí díolacháin an bhréidín sna Stáit Aontaithe toisc an dleacht ar éadach olla agus uarstaid a bheith ardaithe ó 25% go dtí 45% ó mhí Iúil seo caite. Tá áthas orm a rá, áfach, gur éirigh linn an dleacht ardaithe sin d'fháil maolaithe go dtí 30% i gcás an bhréidín láimh-fhite tré bhithin ionadaí a cuireadh go Washington chun cás an tionscail bhréidín láimh-fhite a phléadáil i Mí Nollag seo caite.
Maidir leis na tionscail torthaí mara déantar soláthar dóibh fé Fho-mhírcheann E, agus tá an soláthar beagnach mar an gcéanna agus a bhí sé anuraidh. Clúdaítear ann ceannach agus seachadadh slata mara agus carraigín a díoltar le Arramara Teoranta, gnólucht ar leis an Stát formhór na scaireanna ann. Tá monarcha ag an ngnólucht seo i gCill Chiaráin, Conamara, ina ndéantar na slata mara a thriomú agus a mheilt. Déanann an gnólucht an mbin d'onnmhuiriú dá éis sin faoi chonradh atá acu le gnólucht iasachta. Déantar an carraignín d'ullmhú do mhargaí éagsúla sa Bhreatain agus ar an Mór-Roinn. Tá breis agus fiche duine ar fostú lán-aimseartha ag an ngnólucht seo.
Fé mar is eol don Tigh cheana, leagtar cuntais an ghnóluchta, maille le tuarascáil bhliantúil ar a chuid oibre, ar Bhord na Dála gach bliain.
Faoi Fho-Mhírcheann F, déantar soláthar le haghaidh deontas faoi Achta na dTithe (Gaeltacht). Sa bhliain 1957-58, tháinig laghdú, a raibh coinne leis, ar an méid oibre a rinneadh faoi na hAchta. I dtús na bliana sin, hí ceist ann faoi na deontais forlíontacha ó na húdaráis áitiúla a bheith ar fáil agus, mar gheall air sin, bhí o leor deontaithe nár thosnaigh ar an bair go dtí go raibh sé ró-dhéanach le go bhféadfaí íocaíocht a dhéanamh leo sa bhliain airgeadais sin. Ar an ábhar sin, meastar gur mó an caiteachas a heas ann i mbliana.
Is féidir nach mbeidh na deontais rlíontacha ar fáil ó na húdaráis áitiúla uile, ach ní braithfear a thoradh sin go hiomlán sa bhliain airgeadais seo ach amháin i gcás líon na n-iarratas úr—is dóigh go mbeidh laghdú mór orthu sin. On méid cásanna atá ceadaithe cheana féin, ní dealraitheach go mbeidh aon laghdú ar an obair a déanfar. Sna cúrsaí uile, ceaptar gur leor an £90,000 atá á sholáthar i mbliana.
Sa bhliain airgeadais seo caite, críochnaíodh ós cionn 200 tithe nua, feabhsaíodh beagán níos mó ná sin, cuireadh saoráidí séarachais agus soláthar uisce príobháideach ar fáil i gceithre fichid sean-tithe agus rinneadh leathnúchán speisialta le haghaidh cuairteoirí ar chúig cinn déag de thithe.
Tugadh sonraí áirithe, i ndáil le Meastachán na bliana seo caite, i dtaobh na scéimeanna éagsúla a bhfuil soláthar á dhéanamh dóibh faoi Fho-Mhírcheann G. Ní raibh ach scéim amháin díobh siúd .i. Scéim na mBóthar Gaeltachta, a bhféadfaí bheith ag súil leis go gcuirfí i gcrích go tapaidh í. Maidir leis na scéimeanna eile, ba éigin do na húdaráis áitiúla nó do na dreamanna eile a bhí i gceist roinnt mhaith ullmhúcháin a dhéanamh roimh ré ina leith sa chuid is mó de na cásanna. Ar an ábhar sin, cé gur tharla i gcás cuid mhaith tograí go raibh an pointe sroiste acu, roimh dheireadh na bliana airgeadais seo caite, ina bhféadfaí iad a cheadú go sonrach, ní raibh ach fíor-bheagán tograí ann inar ghá aon íocaíocht a dhéanamh ina leith. D'fhág san gurbh í an tsuim £45,000 a híocadh i leith Scéim na mBóthar Gaeltachta an príomh-chaiteachas as an bhfo-mhírcheann seo sa bhliain 1957-58. Maidir leis na scéimeanna eile a ndéantar soláthar dóibh faoin bhfo-mhírcheann is léir, ar na cúinsí a luadh cheana, gur sa bhaliain airgeadais reatha a braithfear muirear na scéimeanna sin don chéad uair.
Tá méadú £48,000 déanta ó anuraidh ar an soláthar faoi Fho-Mhírcheann G sa bhliain airgeadais reatha, sé sin, £125,000 i gcomparáid le £77,000. Tá gá leis an méadú sin chun go bhféadfar cuid de na scéimeanna a tugadh isteach cheana a leathnú agus chun go mbeidh airgead ar fáil le haghaidh roinnt scéimeanna nua nach ndearnadh aon tsocrú cinnte ina dtaobh faoi mheastachán na bliana seo caite.
Seacht gcinn de scéimeanna Íeabhsúcháin atá i gceist i bhFo-Mhírcheann G anois. Is iad seo a leanas na scéimeanna:— (1) Scéim trínar féidir do Roinn na Gaeltachta deontas 100% den chostas a thabhairt do na hUdaráis Aitiúla d'fhonn feabhas a chur ar mhion-bhóithre contae sa Ghaeltacht, a cheapas an Roinn chuige sin tar éis comhairle a ghlacadh leis na húdaráis áitiúla sin agus leis an Roinn Rialtais Aitiúil.
Táthar ar intinn feidhm na scéime sin a leathnú sa bhliain airgeadais reatha le go bhféadfar soláthar den tsórt céanna a dhéanamh i leith an chineál bóthair ar a dtugtar bóthar áise .i. bóithre nach mbíonn aon bhaint ag na húdaráis áitiúla leo. Maidir leis na bóithre áirithe sin, is í an Roinn a thoghfas iad i gcomhairle le hOifig na Scéimeanna Fostaíochta Speisialta agus is ar an Oifig sin a bheas an cúram i dtaobh na hoibreacha a chur i gcrích tar éis a gceaduithe.
(2) Scéim trína gcuírtear ar chumas na Roinne deontaisí a thabhairt d'údaráis áitiúla mar chabhair chun mion-scéimeanna uisce-sholáthair a chur i gcrích sa Ghaeltacht. Is í an Roinn a thoghann na tograí, tar éis dí comhairle a ghlacadh leis na húdaráis áitiúla agus leis an Roinn Rialtais Aitiúil.
Ó tugadh Meastachán na bliana seo caite isteach táthar tar éis feidhm na scéime sin a leathnú le go bhféadfaidh an Roinn deontaisí 25% den chostas measta a thabhairt freisin i gcás mórscéimeanna, mó scéimeanna réigiúnacha, uisce-sholáthair agus séarachais sa Ghaeltacht. Tugtar an deontas sin 25% i dteannta an ghnáth-chúnaimh airgid a chuireann an Roinn Rialtais Aitiúil ar fáil i gcásanna den tsórt sin, agus toghtar na tograí ar an mbealach céanna ina dtoghtar na mionscéimeanna uisce-sholáthair a luadh cheana.
(3) Scéim trína gcuirtear ar chumas na Roinne deontaisí 100% den chostas a chur ar fáil i leith muir-oibreacha áirithe sa Ghaeltacht ar choinníoll go mbeidh na húdaráis áitiúla iomchuí sásta cothabháil na n-oibreacha sin a ghlacadh mar chúram orthu féin tar éis a ndéanta. Fágtar faoi Oifig na nOibreacha Poiblí, de ghnáth, tograí den tsórt sin a chur i gcrích.
(4) Scéim trína gcuirtear ar chumas na Roinne deontaisí, nach mó ná 80% den choctas de ghbáth, a thabhairt d'údaráis áitiúla, nó do chomhluchtaí nó coistí iontaofa eile, mar chabhair chun áiseanna éagsúla, mar shampla, páirceanna imeartha, cúirteanna liathróide láimhe agus a leithéid, a chur ar fáil do mhuintir na Gaeltachta. Ní mór na heagrais sin a bheith sásta cothabháil na saoráidí sin a ghlacadh orthu féin tar éis iad a bheith ar fáil.
(5) Scéim trína geuirtear cúnamh airgid agus cúnamh eile ar fáil d'iarratasóirí oiriúnacha sa Ghaeltacht mar chabhair chun cránacha a cheannach agus a bheathú. Tugadh sonraí na scéime don Dáil cheana agus táim sásta go bhfuil ag éirí go maith leis. Dá chomhartha sin, tá an Coimisiún Muc agus Bagúin tar éis níos mó ná céad go leith cránacha a dháiliú ar iarratasóirí faoin scéim. Tugtar síolta agus ábhair leasuithe ar théarmaí speisialta do na hiarratasóirí a ceadaítear faoin scéim.
(6) Scéim trína bhféadfaidh an Roinn airgead a chur ar fáil d'fhonn Scéim na dTithe Gloine sa Ghaeltacht a leathnú. Tá ar intinn ag an Roinn, i gcomhar leis an Roinn Talmhaíochta, suas le £50,000 a chur ar fáil chun tuilleadh tithe a mbeidh gléasanna téimh ionta a thógáil agus chun gléasanna téimh a chur i roinnt eile tithe atá ann cheana.
(7) Scéim chun cabhrú le meánscolaíocht sa Ghaeltacht. Mar gheall ar an easpa meánscolaíochta sa Ghaeltacht, is beag an bhreith a bhíos ag buachaillí agus cailíní óga sa Ghaeltachta ar an oideachas a bhéarfadh postanna rathúla dhóibh sa tseirbhís phoibilí, sna gairmeacha ná, i gcoitinne, i saol tráchatála na tíre. Agus ar an taobh eile, is cailliúint don Stát gan cainteoirí dúchais oilte a bheith i roinnt postanna den tsórt sin. Chun an scéal sin a leigheas, tá scéim ceadaithe anois trína bhféadfaidh Roinn na Gaeltachta deontaisí airgid a thabhairt, ar choinníollacha áirithe, chun cóiríocht meánscolaíochta a sholáthar, a fheabhsú nó a leathnú sa Ghaeltacht. Fé mar is eol don Dáil, ní thugann an Stát cabhair den tsórt sin le haghaidh meánscolaíochta i gcoitinne, agus is eisceacht ar fad cás na Gaeltachta sa tslí sin.
I dteannta na scéimeanna atá luaite agam, tá tograí éagsúla eile ullamh nó á n-ullmhú ag an Roinn i gcomhairle leis an Roinn Talmhaíochta agus leis na coistí talmhaíochta contae. Mar shampla, tá scéim trialach ceadaithe chun subhanna talún d'fhás i leith-inis an Daingin i gCo. Chiarraighe agus tá Coiste Talmhaíochta Chontae Chiarraighe ag féachaint i ndiaidh na hoibre. Tá scéim trialach eile ar siúl faoi choimirce na Roinne Talmhaíochta in Árainn féachaint an fúidir fásóga inniúin a thairgeadh ann. Má éiríonn go maith leis na scéimeanna trialacha sin, leathnófar go dtí áiteanna oiriúnacha eile iad ar fud na Gaeltachta.
Tá míle tunt á sholáthar arís i mbliana chun deontais bheaga a thabhairt le haghaidh imeachtaí cultúrtha agus sóisialacha sa Ghaeltacht. Níor baineadh mórán feidhme as an gcúnamh seo anuraidh, ach is cosúil go bhfuil muintir na Gaeltachta ag cur tuilleadh suime anois ann agus go mbeidh éileamh ar an soláthar iomlán i mbliana. Cheana féin tá roinnt tograí a bhaineas le fearaistí stáitse, oirnéisí ceoil, feiseanna agus a leithéid faoi bhreithniú ag an Roinn.
Mar is eol do na Teachtaí, do haistríodh roinnt seirbhísí chun mo Roinnse ón Roinn Oideachais. Is é an ceann is tábhachtaí orthu sin ná an bónas £5 a tugtar faoi scéim a bunaíodh i 1934, do thuismitheoirí nó caomhnóirí sa Ghaeltacht nó sa Bhreac-Ghaeltacht, i leith páistí scoile leo idir 7-17 mbliana d'aois, arb í an Ghaeilge teanga a dteaghlaigh agus a labhrann í go líofa nádúrtha. Is é cuspóir na scéime seo an Ghaeilge a chothú agus a choinneáil mar theanga teaghlaigh sa Ghaeltacht agus níl aon amhras ach go bhfuil an-leas á dhéanamh ag an scéim chuige sin. Faoi láthair, tá tuairim 4,600 teaghlach ag fáil an deontais i leith tuairim 10,000 páiste ar fad.
Faoi Fho-mhírcheann O den Mheastachán, tugtar cúnamb airgid do choistí áitiúla, faoi scéim a bunaíodh i 1936 chun scoláireachtaí saoire sa Ghaeltacht a thabhairt do pháistí ó áiteanna taobh amuigh den Ghaeltacht. Sa bhliain 1957, cuireadh os cionn trí chéad páistí chun na Gaeltachta faoin scéim. I moliana, méadófar an deontas ó £3 10s. go £4 10s. in aghaidh gach scoláireachta, i gcás coistí i gCathair nó i gContae Bhaile Atha Cliath, agus ó £3 go £4, i gcás coistí eile, ar an gcoinníoll—a bhí ann cheana—nach mbeidh an deontas, in aon chás, níos mó ná leath an chostais a bhainfeas leis an scoláireacht.
Tá soláthar faoi Fho-mhírcheann P. do Cúnamh Teicniúil agus mar a chífear ó Fho-mhírcheann R. 6 beido an t-airgead a caithfear ar an gCúnamh Teicniúil seo le fáil ar ais ón gcuntas speisialta den deontas Mheiriceánach. Sé an cúnamh teicniúil atá i gceist ná comhairleoirí bainistíochta d'fhostú chun eagraíocht na dtionscal tuaithe a scrúdú go hiomlán agus chun scéim ath-eagraíochta iomláine a chur le chéile d'thonn riaradh na dtionscal a chóiriú do réir cleachta bainistíochta éifeachtúla nua-aimseartha, agus tá san áireamh ann freisin soláthar do chúrsaí tréineála, sa bhaile agus thar lear, don bhfoirinn teicniúil agus oibrithe nua-thagtha a fostaítear sna Tionscail Tuaithe.
Ar an 14 Meitheamh seo caite shínigh an tAire Gnóthaí Eachtracha agus an tAmbasadóir Meiriceánach Comh-Aontú leis na Stáit Aontaithe um Chúnamh Teicniúil agus chlúdaigh an Comh-Aontú sin an cúnamh teicniúil seo.
Fé mar a cuireadh in iúl don Dáil aimsir na Meastachán anuraidh tá airgead eile ar fáil don Roinn seachas an t-airgead a luaitear go sonrach i meastachán na Roinne, is é sin an t-airgead a cuireadh ar fáil as Cionroinnt na Gaeltachta den Chiste Forbartha Náisiúnta. Fé mar adúradh anuraidh cuireadh suim £30,000 i leataoibh as an gCiste sin le go bhféadfaí deontaisí 25% den chostas measta a thairiscint do na húdaráis áitiúla i leith scéimcanna uisce-sholáthair agus séarachais sa bhFíor-Ghaeltacht. Táthar tar éis an t-airgead sin uile a dháileadh na Gaeltachta. Maidir le scéim na mbád iascaigh ar cuireadh airgead ar fáil di freisin as an gCiste céanna, táthar tar éis cúig dáid mhóra, ar £12,000 an ceann tuairim, a chur ar fáil faoin scéim. Ina theannta sin, tá tosnaithe anois ar scéim chun báid bheaga inneall-chumhachta—ó naoi dtroigh déag go dtí sé troigh ar fhichid —a chur ar fáil agus tá suim £10,000 curtha i leataoibh chun na críche sin. Tá socrú ginearálta déanta cheana fein chun ocht gcinn de na báid sin a chur ar fáil ar chostas £3,500,tuairim, agus tá ceithre cinn de na dáid sin á dtógáil i láthair na huaire.
Tuigfear ón méid atá ráite agam go dtí seo, sílim, go bhfuil bonn leaghta anois ar a bhféadfar obair na Roinne a bhunú as seo amach. Chífear go bhfuil socruithe déanta cheana féin trínar féidir don Roinn cúnaimh airgid a chur ar fáil do thrí cinn de na heagrais is tábhachtaí ó thaobh fostaíochta sa Ghaeltacht, is é sin, na comhairlí contae, Oifig na nOibreacha Poiblí agus Oifig na Scéimeanna Fostaíochta Speisialta. De dhroim na socruithe sin, féadfar an caighdéan maireachtála d'árdú, do réir a chéile, trí Íheabhas a churar mhion-bhóithre contae, bóithre áise, saoráidí uisce-sholáthair agus séarachais, muir-oibreacha agus taitneamhachtaí i gcoitinne. Tá buíochas ag dul do na hudaráis áitiúla, do na hOifigí Stáit atá luaite agam agus don Roinn Rialtais Aitiúil as ucht na cabhrach a Íuarthas go fial uathu ag ullmhú scéimeanna fiúntacha don Ghaeltacht. Ba mhaith lion, chomh maith, buíochas a ghabháil leis an Roinn Talmhaíochta agus leis na coistí contae talmhaíochta agus leis na gCoimisiún Muc agus Bbágún as ucht na cabhrach a fuarthas uathu san freisin, go háirithe i ndáil le Scéim na Muc. Is mór agam, treisin, an comhoibriú atá áfháil ag ionadaithe áitiúla na Roinne ar fud na Gaeltachta. Bhéarfaidh na hIonadaithe sin gach cúnamh do na heagrais áitiúla chun moltaí fiúntacha d'ullmhú agus dúanfar gach iarracht sa Roinn chun moltaí den tsórt sin a bhreithniún go báigiúil chomh fada agus is acmhainn don Roinn é.