den Taoiseach an bhfuil an tuairisc faoi Theilifís na Gaeltachta curtha ar fáil ag Údarás na Gaeltachta; agus an bhfuil aon socrú déanta ag an Rialtas maidir leis an tseirbhís a bhunú.
Ceisteanna—Questions. Oral Answers. - Teilifís Trí Ghaeilge.
15. D'fhiafraigh
Níl tuarascáil iomlán faighte agam fós ón Údarás maidir le ceist na teilifíse trí Ghaeilge. Tuigim, áfach, go mbeidh sí ar fáil go luath agus déanfar cibé moltaí atá ann a mheas go cúramach ansin d'fhonn teacht ar chinneadh faoin gceist.
An bhféadfadh an Taoiseach a chur in iúl don Teach cad iad go díreach na téarmaí tagartha a tugadh don Údarás nuair a hiarradh orthu an tuairisc a ullmhú? Ar tugadh treoir de aon chineál dóibh? Ar dúradh leo an Teilifís Ghaeltachta a bhí i gceist nó Teilifís Ghaeilge nó cad é go díreach atá ar intinn ag an Rialtas?
Teilifís Ghaeltachta.
Tuigim go ndearna an Taoiseach é féin ráiteas le linn an fheachtais toghcháin go raibh sé ar intinn ag an Rialtas seirbhís teilifíse Ghaeltachta a chur ar fáil. An bhféadfadh sé a insint duinn cén uair a chuirfear sin ar fáil? Agus, a dó, cuireadh leathmhilliún punt ar fáil ón chrannchur náisiúnta maidir le cláracha Gaeilge nó Teilifís Ghaeltachta.
An bhfuil an t-airgead sin caite go fóill, nó cad a tharla?
Tá sé ann fós.
Cathain a bheidh sé a chaitheamh?
Chomh luath agus is féidir. Tá roinnt mhaith ceisteanna teic-neolaíochta ag baint leis.
Tá sé ró-chasta leathmhilliún a chur ar fáil le linn toghcháin.
Ní dhearna mé é le linn toghcháin. Mar is eol don Teachta anseo, bhí an leathmhilliún curtha ar fáil bliain ó shin.
Cá bhfuil an t-airgead anois? An bhfuil sé i Roinn na Gaeltachta, ag Údarás na Gaeltachta, nó an bhfuil sé ag an Roinn Airgeadais?
Tá sé in áit éigin faoi chúraim an Stáit. Tá sé i dtaisce, agus tá súil agam go bhfuil ús faighte air ag an bpointe seo.