Tairgim: Go léifear an Bille an Dara huair. Táthar ar intinn reachtúnas do chur dhá dhéanamh do phlean ghinearálta chun scríbhní stairiúla do bhailiú in Éirinn féin agus i leabharlanna agus in oifigí annálach i dtíortha iasachta, ionas go mbunófar bailiúchán náisiúnta scríbhinn le haghaidh taighdeacháin staire san leabharlainn Náisiúnta. Bainfidh an plean seo le gach sórt de stair-scríbhní— páipéir le ranna rialtais, páipéir le húdaráis áitiúla agus páipéir atá i genuasachta príobháideacha. I gcásanna nach féidir seilbh d'fháil ar na scríbhinní bunaidh, déanfar macsamhla dhíobh sin trí ghrianghrafacht, agus is macsamhla den tsaghas san a ciallaítear leis an bhfocal "cóip" i míreanna 4 agus 5 den Bhille. Tá sé ar eólas gur ligeadh an iomad scríbhinn tábhachtach dá gcailleadh ar feadh an chaogad blian seo caite. Do scriosadh cuid díobh; do honnmhairíodh cuid díobh, agus do ligeadh cuid díobh amú i slite eile. Is mithid iarracht dícheallach a dhéanamh chun an méid atá fágtha do thiomsú le chéile, nó chun cóipeanna féin díobh do bhailiú. Is cuibhe dúinn é sin do dhéanamh in onóir na nglún do chuaidh romhainn; is riachtanach a dhéanamh i gcabhair scoláirí ár staire faoi láthair, agus is dualgas dúinn, freisin, a dhéanamh ionas go mbeidh staireólas chomh hiomlán agus is féidir le fáil ag na glúin a thiocfaidh inár ndiaidh. Ina theannta sin, is dualgas dúinn a dhéanamh mar mhaithe leis na slóite do-áirmhthe de shíolrú na hÉireann atá ar fud an domhain agus ar cheart dúinn foras dár stair agus dár gcultur dúchasach do chur ar fáil dóibh.
Is riachtanach, le haghaidh na hoibre seo, comhar d'fháil ó gach duine a bhfuil seilbh aige ar ní ar bith den tsaghas sin do chur ar fáil. Ní féidir an obair do dhéanamh i gceart gan tuairisc d'fháil faoi gach scríbhinn agus pictiúir agus portráid ina bhfuil tábhacht náisiúnta—nithe den tsort ar féidir eólas do bhaint astu i dtaobh daoine nó áiteanna Éireannach, nó i dtaobh dála náisiúnta nó áitiúil, agus do bheadh ina gcúnamh dá bhárr sin, le stair sibhialtachta na tíre seo do thúirt chun léire.
Is é is cuspóir don Bhille seo cose do chur ar scríbhinní agus ar phictúirí stairiúla do bheith dhá n-onnmhuiriú i ngan fhios d'údaráis an náisiúin. Is sár-rischtanach an Bille do chur ar aghaidh trí gach céim go luath, óir tá, fáth lena chreidsint go mbeidh páipéir luachmhara dhá gcailleadh ag an tír, má ghníthear moill.
Maidir le reachtúnas den tsórt seo i dtíortha eile, féadtar a rá go ginearálta gur mar seo atá an scéal: I Sasana agus i Stáit Aontaithe Aimeirice, cuir i geás, níl aon dlí in aon-chor chun cose do chur ar onnmhuiriú stair-scríbhinn náisiúnta. Ach, sa bhFrainne agus san Iodáil agus i dtíortha eile, tá dlí ann a thoirmeascas ar fad a leithéidí sin d'onnmhuiriú. Is dóigh linn nach ceart bheith in éagmais dlí áigin den tsórt, óir ní hé sin ba mhian le daoine ar mhaith leo scríbhní luachmhara a dtíre do bheith ar caomhnadh. Ach, os a chóir sin, do measfaí leatrom do bheith sa dlí do chuirfeadh toirmeasc ar fad ar stair-scríbhinní d'onnmhuiriú. Do measfaí nach dtabharfadh sé sin cothrom dóibh siúd a bhfuil scríbhní ina seilbh agus do bheadh ag éileamh cirt chun na scríbhinní sin do dhíol sa maragadh b'fhearr luach, nó chun iad do thabhairt leo as an tír ina seilbh féin le linn bheith ag déanamh imirce.
Do féachadh don dá thaoibh sin nuair do bhí an Bille seo dhá chumadh, agus do measadh go bhféadfaí cothrom do thabhairt dóibh araon trí úsáid na n-áis is nuaidhe griangrafa chun macsamhla do dhéanamh de scríbhinní. Le linn feidhm do bhaint as na háiseanna sin, do féadfaí cearta an ná náisiúin do chaomhnadh gan baint de chearta na ndaoine ar leo na scríbhinní bunaidh. Má ritear an Bille, is ag an tír seo bheas an reactúchán is nuaidhe, is córa, is éascaí feidhmiú, agus is éifeactaí dá bhfuil déanta go fóill le haghaidh a leithéid de chuspóir.f
Baineann an Bille seo le trí sóirt scríbhinní nó pictiúirí:—
(a) Scríbhinní atá os cionn céad blian d'aois agus nár cuireadh i gcló ina n-iomláine;
(b) Aon phictiúir nó tarraingeoireacht; agus
(c) Aon scríbhinn a ndearbhóidh an tAire bheith ina ní lena mbaineann an t-Acht.
Aon ní de na trí sóirt seo atá luaite agam, ní bheidh sé dleathach d'éinne a onnmhuiriú, muna mbí ceadúnas chun é d'onnmhuiriú fachta aige ón Aire.
Le linn don Aire bheith ag tabhairt ceadúnas onnmhuirithe uaidh, beidh ar a chumas a ordó d'iarrthóir an cheadúnais cibé deiseanna is riachtanach leis an Aire a chur ar fáil don Aire chun go ndéanfar cóip den ní a beifear le honnmhuiriú; agus, i gcás, i gcás ar bith ina ndéanfaidh an tAire a leithéid d'ordú, níthabharfaidh séuaidh an ceadúnas onnmhuirithe nó go mbían t-ordú coimhlíonta. Iséard atá gceist againn páipéir ina bhfuil tábhacht ó thaobh staire agus a ba chóir bheith i mbailiúchán Annálacha Náisiúnta Éireann. Má cuirtear ar fáil na deiseanna chun cóip de scríbhinní do dhéanamh deonfar ceadúnas chun na nithe buaidh d'onnmhuiriú, agus is dóigh liom go n-aontóidh an Dáil go mba chóir é bheith de cheart ag an Stát cóip do sholáthar don bhailiúchán Náisiúnta i scásanna nach féidir dó na nithe bunaidh d'fháil.
Má ritear an Bille, ní bheidh fíorchruas ar bith dhá imirt ar shealbhóirí na scríbhinní imirt ar shealpictiúiúirí, má ligeann siad cóipeanna do dhéanamh de na nithe sin.
Ní thagann Leabhra ná abhar clóbhuailte isteach fán mBille seo. Cén fáth a dtagann lí-phictiúirí agus tarraingeoireachtaí isteach fán mBille? Is é an fáth atá leis go bhfuil ina measc sin a lán pórtráidí agus lí-phictiúirí de radhaire agus d'ionaid stairiúla; thárlódh go mbeadh tábhacht ó thaobh staire ag baint le radhaire nó foirgneamh féin, agus nach mbeadh aon chóipeanna den phictiúr nó den phórtráid a rinneadh díobh le fáil sna bailiucháin Náisiúnta.
Dúradh liom go bhfuil an iomad rudaí i gceist fé roinn (b) mír (2) (1) agus tar éis an scéal a bhreithniú as an nua tá fúm leasú a mholadh ar céim an Choiste, an focal "original" do chur isteach roimh an bhfocal "drawings" i líne 24, i dtreo go mbeidh sé soiléir nach mbaineann téarmaí an ailt sin le pictiúirí ná le léiriucháin a déantar le gléasanna meicniciúla. Abhar ar bith nach dtagann isteach fá (a) nó (b), sé sin, cáipéisí nach cáipéisí cló bhuailte iad atá os cionn 100 bliain d'aois nó líphictiúirí nó tarraingeoireachtaí, cuireann mí (c) de Alt (2) (1) ar chumas an Aire ordú a dhéanamh dhá dhearbhú gur abhar iad lena mbaineann an tAcht. Cuirfe seo ar a chumas ordú do dhéanamh maidir le haon abhar luachmhar, abhar nach dtioefaí air gan sin a dhéanamh. Cuir i geás páipéirí nó páipéar de chuid na geuigí, a bhain le tréimhse áithrithe, b'fhéidir go ndéanfaí ordú chun iad a thabhairt isteach fán mBille. Ba mhaith liom a rá arís go geaithfear ceadúnas onnmhuirithe do thabhairt nuair a bheas an chóip ghriangrafa déanta, agus ní cuirfear aon mhoill ar a ndéanamh tar éis na bun-choipeanna a fáil. Is le gnáthchamera a déanfai na cóipeanna de na pictiúirí mar gur i gcóir cuntais a bheidís ag teastáil. Nuair a bheadh a lán cáipéisí ann is le micró-seannán a deanfaí na cóipeanna.
Na pionóis a tuillfear de bharr an Achta seo a bhriseadh táid tugtha síos in Alt (3) de Acht Forálacha Sealadacha Custaim na bliana 1945. Do réir an Achta sin, tuillfear pionós de bharr aon ní a chur amach as an tír más mídhleathach sin a dhéanamh fá aon Acht. Luach na cáipéise nó an lí phictiúra fá thrí, nó £100 do réir mar is rogha leis na Coimisinéirí Ioncuim, an pionós a tuillfear de bharr cáipéise nó lí-phictiúr a thagas isteach fán mBille seo a chur amach as an tír.