den Aire Tailte an bhfuil a fhios aige go bhfuil mí-shásamh mór i mease déantóirí báinín baile i nGaeltacht Thír Chonaill de thairbhe an ionghabhála atá Gaeltarra Éireann a thabhairt ar mheascadh na holla agus ar an dathú sa chruth nach bhfuil cuid den éadach indíolta; agus an bhféachfaidh sé chuige go rachaidh oifigigh na Roinne i gcomhairle leis na déantóirí fán scéal.
Ceisteanna—Questions. Oral Answers. - Mí-shásamh ar Dheantóirí Báinin.
D'fhiafraigh
Níl a fhios agam go bhfuil mí-shásamh ar na déantóirí báinín baile i dTír Chonaill de thairbhe cóimheascadh agus dathú na holainne atá Gaeltarra Éireann ag díol leo. Ní de thairbhe an tsóirt olainne sin a diúltaíodh d'aon chuid den bháinín a cheannach ach de thairbhe gan margadh a bheith ann ach don stuif is fearr déanamh maidir le sníomh agus fí. Tá Oifigigh na Roinne réidh i gcónaí chun comhairle a ghlacadh leis na déantóirí maidir lena ndeacrachta.
An amhlaidh ná fuaradh aon ghearán ó Dhún na nGall ina thaobh?
Ó, fuaradh a lán gearán.