den Aire Tionscail agus Tráchtála an inseoidh sé maidir leis an litir dar dáta Márta, 1961, Ó Chathaoirleach na Ceard-Chomhairle ag foilsiú do thuismitheoirí an bhuncháilíocht oideachais a chinn an Chomhairle a bheith riachtanach d'ógánaigh a rachaidh le printíseacht ceirde tar éis an chéad lá de Mheán Fómhair, 1963 (1) (a) na limistéir tíre agus (b) aois na n-ógánach go mbaineann an litir leo, (2) an méid cóipeanna den litir a clóbhuaileadh, (3) an méid cóipeanna a cuireadh amach lena scaipeadh, agus (4) córas a scaipthe.
Ceisteanna—Questions. Oral Answers. - Printíseacht Ceirde: Buncháilíocht Oideachais.
13. D'fhiafraí
Baineann an cheist seo le riarachán na Ceard-Chomhairle a bunaíodh faoi'n Acht Printíseachta, 1959. Ba cheart do'n Teachta an cheist a sheóladh díreach chun an Chathaoirligh, An Cheard-Chomhairle, Sráid Cill Dara, Baile Átha Cliath.
An amhlaidh adeir an tAire nach bhfuil aon chumhacht nó suim aige san gceist seo?
Níl cumhacht aige ach tá suim aige inti. Tá an Bord a bunaíodh faoin Acht ag obair. Dé ghná, ní tugtar eolas den tsaghas seo.
An bhfaca an tAire an litir a cuireadh amach chun na tuismitheoirí agus ar thuig sé cad a bhí inti?
Do chonnaic mé í agus do thuig mé í.
An bhfuil a fhios ag an Aire gur thug an litir foláireamh do thuismitheoirí gur ceart dóibh mac léinn ar bith a chríochnaíonn san séú rang i mbliana a aistriú go dtí an scoil idir-mheánach nó an ceárd scoil?
Bfheidir nach foláireamh a bhí i gceist ach dea-chomhairle.
An abrann an tAire gur dea-chomhairle é sin a thabhairt do thuismitheoirí maidir le daoine atá ag dul le ceárd? Iarann an tAire orainn scríobhadh go dtí Cathaoirleach an Cheárd-Chomhairle ach tuigim anois go molann sé do thuismitheoirí na buachaillí a thógaint as an scoil náisiúnta nuair a bhéas siad san séú rang.
Ní mise a mhol sin ach An Ceárd Chomhairle, agus is dócha go dtuigeann siad a ngnó féin.
Is it not your "gnó" too?