den Taoiseach an gcuirfear aon chuid den £400,000 ón gCrannchur Náisiúnta, atá liostáilte faoin teideal Feachtas Fógraíochta leis an nGaeilge a chur chun cinn, ar fáil d'Údarás na Gaeltachta, leis an nGaeilge a chur chun cinn sna Gaeltachtaí, atá ar tí iompú ar an mBéarla.
Ceisteanna—Questions. Oral Answers. - Feachtas Fógraíochta don Ghaeilge.
12. D'fhiafraigh
Tuigeann mo Roinnse go mbeidh tábhacht ar leith ag baint leis an bhfeachtas seo ar mhaithe le cur chun cinn na Gaeilge, sna Gaeltachtaí féin agus ar fud na tíre uile, agus ní foláir mionscrúdú a dhéanamh ar na bealaí is fearr leis an mbuntáiste is mó a bhaint as an gcaiteachas a bheidh i gceist.
Baineann an cheist go díreach leis an mbunphrionsabal, an mbeidh airgead breise ar fáil do Raidió na Gaeltachta chun clár fógraíochta a bhunú taobh istigh des na Gaeltachtaí féin. Chomh maith leis sin, tá laghdú in áiteacha áirithe ansin agus tá daoine ag iompú don Bhéarla. Mar sin, an mbeidh cláracha speisialta ag Raidió na Gaeltachta agus an cumas acu, trí airgead breise a fháil, na cláracha seo a chur ar fáil?
Tá na rudai seo ar fad á scrúdú agus tá iarratas faighte againn ó Chomhchoiste na Gaeilge anseo sa Dáil gan cinneadh ar bith a dhéanamh go dtí go mbeidh moltaí faighte ón chomhchoiste sin. Sin an obair atá idir lámha i láthair na huaire le go mbainfear an buntáiste is fearr as an airgead seo. Sílim go bhfuil tábhacht faoi leith ag baint leis an bhfógraíocht a dhéanfar leis an £400,000 seo ar mhaithe leis an nGaeilge agus níor mhaith linn aon tús a chur le rudaí go mbeidh cinneadh ceart déanta air.
An mbeidh seans ag muintir na nGaeltachtaí féin agus foireann Raidió na Gaeltachta moltaí a chur isteach faoin chaoi ina gcaithfear an t-airgead?
Níor cuireadh aon fhógraí ag iarraidh moltaí ó dhreamanna ar bith, ach má tá aon dream ar mhaith leo moltaí a chur os ár gcomhair, beimid sásta iad a mheas.
Luaite sa cheist tá ról Údarás na Gaeltachta i gcur chun cinn na Gaeilge, agus tá ról acu ní amháin i bhforbairt postanna sa Ghaeltacht ach i bhforbairt agus cur chun cinn cúrsaí cultúrtha. An gcoinneoidh an tAire é sin i gcuimhne nuair a bheas an t-airgead á dháileadh, mar sílim gur cóir go mbeadh rud éigin fiúntach le rá ag an Údarás ó tharla go bhfuil siad ag plé leis seo le blianta.
Aontáim leis an Teachta go bhfuil an-tábhacht ag baint leis an ról a bheas ag an Údarás maidir leis an Ghaeilge a spreagadh ar fud na nGaeltachtaí, agus faoi láthair tá coiste faoi leith acu atá ag plé leis na cúrsaí seo ar fad.