Dáil Éireann debate -
Tuesday, 10 Oct 1995

Vol. 456 No. 6

Written Answers. - Íocaíochtaí do Chúrsaí Samhraidh.

Éamon Ó Cuív

Question:

112 D'fhiafraigh Éamon Ó Cuív den Aire Oideachais cé mhéad airgid atá le híoc fós le Coláistí Gaeilge do scoláirí a bhí ar chúrsaí samhraidh do na trí mhí, Meitheamh, Iúil agus Lúnasa, faoi seach; agus an bhféadfaidh sí a dheimhniú cén uair a dhéanfar na híocaíochtaí seo. [14372/95]

Minister for Education (Ms Bhreathnach)

Tá na híocaíochtaí leis na coláistí geall le bheith déanta agus níl ach timpeall £47,000 le híoc fós.

Tá na híocaíochtaí ar fad a bhaineann le mí an Mheithimh déanta ach amháin i líon beag cásanna a bhfuil fiosruithe riaracháin le críochnú ina leith.

Tá ocht gcoláiste nach bhfuair íocaíocht fós d'Iúil agus do Lúnasa. Déanfar na híocaíochtaí leis na coláistí seo laistigh de sheachtain.