Vol. 462 No. 6
90 D'fhiafraigh Éamon Ó Cuív den Aire Oideachais cén uair a dhéanfar scrúdú ailtireachta agus innealtóireachta; cén uair a réiteofar pleananna; cén uair a chuirfear airgead ar fáil le caoi a chur ar phríomhfhoirgneamh Scoil Chuimsitheach Chiaráin, An Cheathrú Rua, Contae na Gaillimhe; agus an ndéanfaidh sí ráiteas ina thaobh. [5255/96]
Tá áthas orm a chur in iúl don Teachta gur dhein ailtire agus suirbhéir cainníochta cigireacht le déanaí ar na foirgnimh i bpobal scoil an Cheathrú Rua.
Tá tuarascáil ar an taighde á ullmhú faoi láthair.
Tar éis measúnú a dheanamh ar an dtuarascáil, déanfar cinneadh ar an gcaoi is fearr chun riachtanaisí spáis na scoile a réiteach. Cuirfear an bord bainistíochta ar an eolas dá réir.
Ní éireoidh ceist airgid go dtí go gcinnfear ar riachtanaisí na scoile.
