Dáil Éireann debate -
Thursday, 7 May 1998

Vol. 490 No. 6

Written Answers. - Ceantair Speisialta Chaomhnaithe.

Michael D. Higgins

Question:

76 D'fhiafraigh Mr. M. Higgins den Aire Ealaíon, Oidhreachta, Gaeltachta agus Oileán cé mhéad cruinnithe a eagraíodh i ngach contae chun limistéir speisialta caomhnaithe a phlé ón am a tháinig an Rialtas in oifig. [10853/98]

Minister for Arts, Heritage, Gaeltacht and the Islands (Miss de Valera)

Ta líon na gcruinnithe eolais ar na Ceantair Speisialta Chaomhnaithe (SAC) a tharla i ngach contae ó tháining an Rialtas seo i réim liostáilte agam thíos. Tá an próiseas comhairleach leis na húinéirí talún ag leanúint agus tionólfar cruinnithe breise sna míonna atá le teacht.

Cúige Chonnacht		Cúige Laighean
Gaillimh	41	*Ceatharlach	–
Liatroim	3	**Bail Átha Cliath-Cill Dara-Cill Mhantáin	97
Maigh Eo	15	Cill Chainnigh	1
Ros Comáin	20	Laois	1
Sligeach	2	An Longfort	1
		Lú	–
		An Mhí	3
		Uíbh Fhailí	2
		An Iarmhí	3
		Loch Garman	10
Cúige Mumhan		Cúige Uladh
An Clár	35	An Cabhán	10
***Corcaigh	1	Dún na nGall	8
Ciarraí	25	*Muineachán	–
Luimneach	15
Tiobraid Árann	2
Port Láirge	10

Chomh maith leis sin, bhí sé chruinniú idir oifigigh mo Roinne agus eagraíochtaí feirmeoireachta éagsúla agus dhá chruinniú le heagraíochtaí chaomhnaithe neamhrialtais i mBaile Átha Cliath. Buaileann oifigigh mo Roinne leis na hÚdaráis Áitiúla agus le Ranna Rialtais eile faoi mar is gá.

Ta cruinnithe le húinéirí talún ar leith tar éis tarlú agus beidh a thuilleadh acu ann amach anseo.

* Níl aon suímh SAC i gContae Cheatharlach nó i gContae Mhuineachán faoi láthair.

** Cruinnithe le daoine aonair ina measc

*** Trasnaíonn Contae Chorcaí dhá réigiún fia-dhúlra — i Réigiún an Deiscirt, áit a bhfuil formhór de na suíomh beag, bhí cruinnithe húinéirí aonarcha. Sna Gaibhlte agus i Sléibhte an Chomaraigh bhí roinnt cruinnithe le feirmeoirí caorach agus le sleádóirí.