Dáil Éireann debate -
Tuesday, 29 May 2001

Vol. 537 No. 2

Written Answers. - Gaelscoil Bheanntraí.

Caoimhghín Ó Caoláin

Question:

431 D'fhiafraigh Caoimhghín Ó Caoláin den Aire Oideachais agus Eolaíochta cén méid atá déanta ag an Roinn chun foirgneamh nua do Ghaelscoil Bheanntraí a chur ar fáil; an bhfuil dul chun cinn ann ó mhí na Samhna 1999 nuair a thug innealtóir na Roinne cuairt ar an scoil chun scrúdú a dhéanamh ar thrí shuíomh; an bhfuair an Roinn léarscáil ón scoil i 2000 do cheathrú suíomh; agus an ndéanfaidh sé ráiteas ina thaobh. [16014/01]

Minister for Education and Science (Dr. Woods)

D'fhonn an líon mór de thionscadail tógála scoileanna atá idir lámha faoi láthair ag mo Roinn, níl sé indéanta ag an bpointe seo tráthchlár a sholáthar a chuirfeadh in iúl cathain a bheidh an t-Aonad Tógála in ann suíomh a fháil nó cathain a bheidh buanchóiríocht ar fáil do Ghaelscoil Bheanntraí.