Dáil Éireann Debate, Tuesday - 1 July 2008
543 D’fhiafraigh Deputy Aengus Ó Snodaigh den Aire Dlí agus Cirt, Comhionannais agus Athchóirithe Dlí cathain atá sé chun cinnte a dhéanamh de go mbeidh stáisiún an Gharda Síochána ar fáil i mBaile Eoin, Áth Luimní, An Uaimh, Contae na Mí. [25894/08]
View answerDe réir alt 22 d'Acht an Gharda Síochána, 2005, is ábhar a bhaineann le Coimisinéir an Gharda Síochána, ar an gcéad ásc, i gcomhthéacs an Phlean Bhliantúil Póilíneachta, iad tograí i ndáil le stáisiúin Gharda Síochána a oscailt agus a dhúnadh. Tá curtha in iúl dom ag Údaráis an Gharda Síochána go ndéanann Bainistíocht áitiúil an Gharda Síochána faireachán ar threochtaí coireachta agus riachtanais phóilíneachta, agus go ndéanann siad iad a choimeád faoi athbhreithniú i gcónaí, agus níl aon phleananna ann, an tráth seo, Stáisiún Garda Síochána a bhunú i mBaile Eoin, Co. na Mí. Tá curtha in iúl dom, freisin, go ndéanann pearsanra faoi éide agus i ngnáthéadach, de shiúl na gcos agus ar rothair shléibhe, mar aon le patróil taistil, patról go rialta ar na limistéir a dtagraíonn an Teachta dóibh. Ina theannta sin, tá comhalta den Aonad Póilíneachta Pobail leithroinnte, go lánaimseartha, chuig limistéar Bhaile Eoin den Uaimh.
