Dáil Éireann Debate, Thursday - 11 November 2010
309 D’fhiafraigh Deputy Arthur Morgan den Aire Gnóthaí Pobail, Comhionannais agus Gaeltachta cad iad na foirgnimh agus na tailte i nDún na nGall a chuir Údarás na Gaeltachta ar an mhargadh lena ndíol ó 2006 i leith; cad iad na cinn a díoladh agus cén praghas a fuarthas agus cad atá beartaithe a dhéanamh anois leis na cinn nár díoladh. [42320/10]
View answerLéirítear sa tábla thíos na sonraí atá curtha ar fáil ag Údarás na Gaeltachta maidir leis an mhaoin atá díolta ag an eagraíocht i gCo Dhún na nGall ó 2006 i leith. Tuigtear dom ón Údarás go bhfuarthas luacháil neamhspleách i ndáil le gach idirbheart maoine atá luaite sa tábla.
Comhairlítear dom nár cuireadh aon díolachán maoine i gCo Dhún na nGall i gcrích i 2010 go dáta, cé go dtuigtear ó Údarás na Gaeltachta go bhfuil cúpla cás idir lámha a d'fhéadfadh a bheith curtha i gcrích roimh dheireadh na bliana.
Tuigtear dom chomh maith ón Údarás go raibh dhá phíosa talaimh eile fógartha le díol ar an margadh oscailte ó 2008 i leith ach nár díoladh iad de bharr go raibh na tairiscintí a bhfuarthas ró-íseal. Is i mBaile na Finne (talamh portaigh 9.6 acra) agus i ngaireacht do Na Gleanntaí (suíomh 4 acra) atá na suíomhanna seo. Tá sé curtha in iúl ag an Údarás go bhfuil sé i gceist na suíomhanna atá i gceist a choinneáil faoi láthair agus, mar an gcéanna le maoin eile na heagraíochta, go ndéanfar athbhreithniú go tráthrialta ar na féidearthachtaí a bhaineann leo.
|
Bliain |
Sonraí |
Praghas |
|
€ |
||
|
2006 |
Monarcha, Cill Chárthaigh |
350,000 |
|
Monarcha, Páirc Ghnó Ghaoth Dobhair |
101,579 |
|
|
2007 |
Suíomh, Páirc Ghnó Ghaoth Dobhair |
110,000 |
|
Monarcha, An Clochán Liath |
400,000 |
|
|
2008 |
Monarcha, Páirc Ghnó Ghaoth Dobhair |
1,022,026 |
|
2009 |
Talamh (1 acra), Árainn Mhór |
55,000 |
|
Talamh (0.6 acra), An Clochán Liath |
10,000 |
|
|
Talamh (1 acra), An Clochán Liath |
141,000 |
|
|
Monarcha, Páirc Ghnó Ghaoth Dobhair |
610,000 |
Nóta: Díoladh na monarchana a luaitear le tionóntaithe a bhí sna foirgnimh cheana.
