Gníomhaireachtaí Rannach

Dáil Éireann Debate, Thursday - 20 October 2011

Thursday, 20 October 2011

Questions (117, 118)

Aengus Ó Snodaigh

Question:

117 D’fhiafraigh Aengus Ó Snodaigh den Aire Ealaíon, Oidhreachta agus Gaeltachta cén maoiniú atá curtha ar fáil do na háisíneachtaí faoi choimirce na Roinne, na háisíneachtaí trasteorann ina measc, le deich mbliana anuas (2000-2010), cén céatadán den mhaoiniú sin a caitheadh ar chostas riaracháin na n-áisíneachtaí faoi seach, agus cén céatadán den chostas riaracháin a caitheadh ar thuarastail sna háisíneachtaí faoi seach sa tréimhse sin; agus an ndéanfaidh sé ráiteas ina thaobh. [30441/11]

Written answers

Minister for Arts, Heritage and the Gaeltacht (Deputy Jimmy Deenihan)

Mar a bheidh ar eolas ag an Teachta, bunaíodh mo Roinn ar an 2 Meitheamh 2011. Déantar mionsonraí na leithdháiltí caiteachais a chuirtear ar fáil do chomhlachtaí atá faoi choimirce na Roinne ag leibhéal fo-mhírchinn a fhoilsiú gach bliain in Imleabhar na Meastachán Athbhreithnithe agus sa Chuntas Leithreasa. Áirítear in Imleabhar na Meastachán Athbhreithnithe Ráitis Ghníomhaireachta mhionsonraithe a léiríonn méid an mhaoinithe a caitheadh ar riarachán agus ar phá le linn na bliana roimhe sin.

Tá na foilseacháin seo le fáil ar shuíomhanna gréasáin na Roinne Caiteachais Phoiblí & Athchóirithe agus Oifig an Ard-Reachtaire Cuntas agus Ciste. Ionas go mbeidh sé níos éasca teacht orthu, seo a leanas an nasc ag a bhfuil cóipeanna d'Imleabhar na Meastachán Athbhreithnithe le fáil: http://per.gov.ie/estpubexp2011/

Tá na Cuntais Leithreasa Bhliantúla le fáil ag an nasc seo leanas: http://audgen.gov.ie/viewdoc.asp?DocID=-1&CatID=3&UserLang=EN&m=6

Aengus Ó Snodaigh

Question:

118 D’fhiafraigh Aengus Ó Snodaigh den Aire Ealaíon, Oidhreachta agus Gaeltachta cá mhéad airgid atá caite ag na háisíneachtaí faoi choimirce na Roinne, na háisíneachtaí trasteorann ina measc, le trí bliana anuas ar chomhairleoirí gnó agus ar chomhairle dlí; agus an ndéanfaidh sé ráiteas ina thaobh. [30442/11]

Minister for Arts, Heritage and the Gaeltacht (Deputy Jimmy Deenihan)

Tá an t-eolas a cuireadh ar fáil do mo Roinnse ó na gníomhaireachtaí atá faoina cúram i dtaca leis an méid airgid a caitheadh ar chomhairle gnó agus dlíthiúil le trí bliana anuas leagtha amach sa tábla thíos.

Ainm an Chomhlachta	An méid a caitheadh ar Chomhairle Gnó & Dlíthiúil in 2009	An méid a caitheadh ar Chomhairle Gnó & Dlíthiúil in 2010	An méid a caitheadh ar Chomhairle Gnó & Dlíthiúil go dtí seo in 2011	Iomlán
Uiscebhealaí Éireann	€348,651	€209,380	€120,604	€678,635
An Foras Teanga: Foras na Gaeilge	€233,413	€171,855	€81,835	€487,103
An Foras Teanga: Gníomhaireacht na hUltaise*	€9,615	€3,236	€1,060	€13,911
Údarás na Gaeltachta	€720,261	€482,507	€181,612	€1,384,380
Dánlann Ealaíne Crawford	€73,493	€207,939	€143,689	€425,121
Leabharlann Náisiúnta na hÉireann	€97,788	€194,976	€107,163	€399,927
An Chomhairle Oidhreachta	€167,372	€113,712	€107,849	€388,932
Dánlann Náisiúnta na hÉireann	€166,871	€222,985	€205,036	€594,892
An Ceoláras Náisiúnta	€520,757	€248,321	€140,305	€909,383
Ard-Mhúsaem na hÉireann	€49,155	€13,823	€25,587	€88,565
Áras Nua-Ealaíne na hÉireann	€42,000	€16,000	€18,000	€76,000
An Chomhairle Ealaíon	€26,902	€25,120	€11,478	€63,500
Bord Scannán na hÉireann	€380,661	€267,715	€196,625	€845,001

*Úsáideadh na rátaí malairte airgid seo a leanas agus an caiteachais thuas á ríomh: 2011 — €1 = £0.82; 2010 — €1 = £0.89; 2009 — €1 = £0.78.