Dáil Éireann Debate, Thursday - 26 April 2012
117 D’fhiafraigh Éamon Ó Cuív den Aire Coimirce Sóisialaí cén fáth nár ghlac sí le moltaí an Choimisinéara Teanga maidir le marcanna breise don Ghaeilge i gcomórtais d’ardú céime sa Roinn Coimirce Sóisialaí; agus an ndéanfaidh sí ráiteas ina thaobh. [21037/12]
View answerOibríonn mo Roinn an scéim de réir na dtreoirlínte reatha arna gcinneadh ag an Roinn Caiteachais Phoiblí agus Athchóirithe.
Athrú bunúsach ar oibriú na scéime a bheadh i moladh an Choimisinéara Teanga dá dtagraíonn an Teachta, agus dá bhrí sin tá na moltaí curtha ar aghaidh ag mo Roinn chuig an Roinn Caiteachais Phoiblí agus Athchóirithe dá mbreithniú.
