Dáil Éireann Debate, Wednesday - 17 September 2014
41. D'fhiafraigh Deputy Seán Kyne den Aire Comhshaoil, Pobail agus Rialtais Áitiúil an dtabharfaidh sé tuairisc ar dhul chun cinn na scéime nua Íocaíochta Cúnaimh Tithíochta, cén líon contaetha ina bhfuil an scéim i bhfeidhm, cén líon daoine atá ag fáil na hÍocaíochta agus cén uair atá sé beartaithe an scéim a leathnú chuig contaetha eile. [34311/14]
View answerCuireann Acht na dTithe (Forálacha Ilghnéitheacha) 2014 an clár reachtúil ar an Íocaíocht Cúnaimh Tithíochta (ICT/HAP) in aithne, an phríomhaidhm atá leis ná gach seirbhís shóisialta tithíochta fadtéarmach atá ar fáil ag an Stát a chónascadh faoi chóras na n-údarás áitiúil.
Tá treoirscéim riaracháin i bhfeidhm i gComhairle Cathrach agus Contae Luimnigh, an t-údarás áitiúil atá i réim maidir leis an Íocaíocht Cúnaimh Tithíochta (ICT/HAP), ó Aibreán 2014. Tá an íocaíocht ar fáil ag 118 teaghlach i Luimneach faoi láthair mar chuid den treoirscéim seo.
Forálann Alt 50 den Acht le tús a chur leis an ICT/HAP in údaráis áitiúla sonraithe ar dhátaí éagsúla agus i leith aicmí éagsúla teaglaigh. Cuirfidh rialacháin faoi Alt 50 an scéim i bhfeidhm i gceantair na n-údarás áitiúil aonarach.
Faoin Íocaíocht Cúnaimh Tithíochta (Alt 50) Rialacháin 2014, tháinig an Scéim ICT/HAP i bhfeidhm i limistéir Chomhairle Contae Chorcaí, Chomhairle Cathrach agus Contae Luimnigh agus Chomhairle Cathrach agus Contae Phort Láirge ó 15 Meán Fómhair 2014. Déanfar Rialacháin eile i dtráth cuí chun an Scéim a leathnú go dtí na hÚdaráis Áitiúla Grúpa 1 eile, na Comhairlí Contae Átha Cliath Theas, Chill Chainnigh, Lú, Mhuineacháin agus Comhairle Cathrach Bhaile Átha Cliath – le fócas ar leith ar freastail do theaghlaigh gan dídean.
Tar éis na treoirscéime riaracháin i 2014 agus athbhreithniú ar an dá treoirscéim, tabharfar an scéim isteach chuig na rialtais áitiúil i 2015 i gcéimeanna. Bainfear úsáid as ceachtanna a foghlaimíodh i rith an chéad chéime chun an leathnú seo a chur in iúl.
