Dáil Éireann Debate, Tuesday - 4 November 2014
413. D'fhiafraigh Deputy Éamon Ó Cuív den Aire Talmhaíochta, Bia agus Mara cén fáth go bhfuil ró-íocaíocht faoi Scéim na Limistéar faoi Mhíbhuntáiste do 2013 curtha i leith feirmeoir i gContae na Gaillimhe (sonraí leis seo); cad iad sonraí na ró-íocaíochta atá i gceist; an féidir lena Roinn sonraí agus mapaí a bhaineann leis an ró-íocaíocht seo a chur chuig an bhfeirmeoir; agus an ndéanfaidh sé ráiteas ina thaobh. [41209/14]
View answerMar is eol duit, b’fhéidir, tá mo Roinn ag déanamh scrúdaithe faoi láthair ar ghabháltais talún a hainmníodh faoi Scéim na hAoníocaíochta agus faoi Scéimeanna Íocaíochta Dírí limistéar-bhunaithe eile. Mar chuid den athbhreithniú seo, aithníodh limistéar neamh-incháilithe agus baineadh an limistéar amach as an ngabháltas a d’ainmnigh an duine ainmnithe. Cuireadh an cinneadh sin agus an ceart ar achomharc in iúl don duine ainmnithe. I ndiaidh achomhairc ón duine ainmnithe, thug mo Roinn faoi athbhreithniú iomlán ar an gcás agus diúltaíodh don achomharc a rinne an duine ainmnithe. Cuireadh toradh an athbhreithnithe in iúl don duine ainmnithe i litir dár dáta 20ú Feabhra 2014 agus cuireadh in iúl dó go raibh sé de cheart arís aige achomharc a dhéanamh chuig Coiste Achomhairc LPIS faoi chathaoirleacht neamhspleách laistigh de 3 mhí ó dháta na litreach. Níor déanadh aon achomharc go dtí seo.
