Inniúlacht sa Ghaeilge sa Státseirbhís

Dáil Éireann Debate, Tuesday - 20 January 2015

Tuesday, 20 January 2015

Questions (173)

Éamon Ó Cuív

Question:

173. D'fhiafraigh Deputy Éamon Ó Cuív den an Taoisigh bunaithe ar an treoir a thug an Roinn Caiteachais Phoiblí agus Athchóirithe do gach Roinn, cén líon post ina mbeidh, agus cé na gráid ag a mbeidh, státseirbhísigh atá inniúil sa Ghaeilge agus sa Bhéarla ag teastáil; an mó post acu sin, arna scagadh de réir gráid, a bhfuil duine iontu cheana féin ag a bhfuil an cumas cuí Gaeilge agus Béarla; cén cháilíocht Ghaeilge is gá do na poist sin; i gcás nach bhfuil treoir na Roinne Caiteachais Phoiblí agus Athchóirithe á comhlíonadh, céard is cúis leis an mhoill agus cén uair a scrúdófar sin [2542/15]

Written answers

The Taoiseach

Díríonn obair mo Roinne go príomha ar dhéileálacha leis an Rialtas agus le ranna agus gníomhaireachtaí eile rialtais. Mar thoradh air sin, ní thugaimid leibhéal mór éilimh faoi deara ón bpobal ar sheirbhísí i nGaeilge.

Thug roinnt comhaltaí foirne i mo Roinn le fios go bhfuil roinnt inniúlachta acu sa Ghaeilge agus tá siad inniúil go leor chun réimse seirbhísí a sholáthar i nGaeilge ar chéimeanna áirithe. As na comhaltaí seo, sannadh beirt oifigeach a bhfuil ardleibhéal inniúlachta acu chun seirbhísí a sholáthar don phobal i nGaeilge, agus is leor an líon oifigeach seo chun freastal ar an éileamh reatha.

Aithníonn mo Roinn an tábhacht a bhaineann le líon foirne a bheith ann a bhfuil líofacht acu sa Ghaeilge agus a bhfuil de chumas acu seirbhísí a sholáthar i nGaeilge. I gcomhréir le beartas an Rialtais, sonrófar i scéimeanna teanga amach anseo de chuid mo Roinne, faoi Acht na dTeangacha Oifigiúla, na poist ag a bhfuil riachtanas inniúlachta Gaeilge.