Dáil Éireann Debate, Wednesday - 11 March 2015
28. D'fhiafraigh Deputy Peadar Tóibín den Aire Ealaíon, Oidhreachta agus Gaeltachta an bhfuil an Rialtas chun deireadh a chur leis an maolú ar an nGaeilge san Aontas Eorpach; agus an ndéanfaidh sí ráiteas ina thaobh. [10169/15]
View answerMar a cuireadh in iúl don Teach cheana, beidh cinneadh le tógáil faoi dheireadh na bliana 2015 ar a dhéanaí maidir le síneadh a chur nó gan a chur leis an maolú reatha atá i bhfeidhm i ndáil le húsáid na Gaeilge in institiúidí an Aontais Eorpaigh.
Tá plé ar bun ag mo Roinn, i gcomhar le Roinn an Taoisigh, le hinstitiúidí an Aontais Eorpaigh maidir leis an gcur chuige is fearr maidir le todhchaí an mhaolaithe. Is léir go mbeidh tionchar ag toradh an phlé sin ar na moltaí a bheidh le cur faoi bhráid an Rialtais in am trátha sula dtógfar cinneadh críochnaitheach maidir leis an gceist seo.
