Dáil Éireann Debate, Tuesday - 11 October 2016
204. D'fhiafraigh Deputy Donnchadh Ó Laoghaire den Aire Tithíochta, Pleanála, Pobail agus Rialtais Áitiúil an ndéanfaidh sé ráiteas maidir le seasamh an Rialtais i dtaobh an athbhreithnithe ar struchtúir rialtais áitiúil i gCorcaigh, cén gníomh atá ar intinn ag an rialtas a dhéanamh anois, cad é beartas an Rialtais ó thaobh struchtúir rialtais áitiúil i gCorcaigh faoi láthair; agus an ndéanfaidh sé ráiteas ina thaobh. [29214/16]
View answerCeapadh Coiste neamhspleách in 2015 chun athbhreithniú a dhéanamh ar shocruithe rialtais áitiúil i gcathair agus i gcontae Chorcaí, go háirithe athbhreithniú a dhéanamh ar teorainn na gcathrach, agus moltaí a dhéanamh maidir le cibé ar chóir an teorainn a athrú nó ar chóir Comhairle Cathrach Chorcaí agus Comhairle Contae Chorcaí a aontú. Chuir an coiste a thuarisc ar fáil ar 2 Meán Fómhair 2015. Bhí tuairisc mionlaigh cuimsithe sa tuarascáil fhoriomlán.
Bhí an dá thuarascáil comhaontaithe nach bhféidir cúrsaí a fhágail mar atá, ach bhí difríocht maidir leis an cúrsa gníomhaíochta a bhí molta sna tuariscail.
Cuirfear an cheist chun tosaigh mar chuid de chláir athchóirithe an rialtais áitiúil atá luaite sa Chlár don Rialtas Comhpháirtíochta. Dá bhrí sin, tá grúpa saineolaithe curtha ar bun agam chun comhairle a thabhairt dom ar na roghanna atá ar fáil maidir le socruithe rialtais áitiúil sa todhchaí i gCorcaigh, chun comhaontu a thógáil agus chun aghaidh a thabhairt ar na chéad chéimeanna eile atá i gceist chun leasa mhuintir na cathrach Chorcaí agus contae araon.
