Dáil Éireann Debate, Tuesday - 11 October 2016
336. D'fhiafraigh Deputy Pat The Cope Gallagher den Aire Ealaíon, Oidhreachta, Gnóthaí Réigiúnacha, Tuaithe agus Gaeltachta cén fáth a bhfuil breis agus €41,000 bainte de dheontas Mhuintearais (An Iarthar/An Iarthuaisceart agus Contae na Mí) i leith Scéim na gCúntóirí Teanga don scoilbhliain 2016-17 d'ainneoin go bhfuil molta aici 13 scoil bhreise a chur leis an scéim; agus an ndéanfaidh sí ráiteas ina thaobh. [29596/16]
View answerMar is eol don Teachta, tá deontas gur fiú €508,989 in iomlán ceadaithe agam do Mhuintearas Teo don scoilbhliain 2016/17 le cumasú dóibh beartais Scéim na gCúntóirí Teanga a chur i bhfeidhm thar ceann mo Roinne i nDún na nGall, i gceantar an Iarthair agus i gCo na Mí. Ní raibh aon ghearradh siar déanta san allúntas sin ar an mhaoiniú don obair a dhéanann na cúntóirí féin ach ní raibh costais riaracháin clúdaithe ann.
Tuigtear anois ó Údarás na Gaeltachta go bhfuil sé i gceist iniúchadh a dhéanamh láithreach ar struchtúr, maoiniú agus feidhmeanna Mhuintearas Teo, fochuideachta de chuid an Údaráis. Sa chomhthéacs sin, tá cinneadh déanta agam airgead riaracháin a íoc faoi Scéim na gCúntóirí Teanga don scoilbhliain 2016-17 agus beidh socraithe cuí chuige sin á chur i bhfeidhm láithreach.
Maidir le ceist na scoileanna breise atá luaite ag an Teachta, tá iarrtha agam ar oifigigh mo Roinne moltaí ina thaobh sin a chur faoi mo bhráid go luath.
