Scéimeanna Tacaíochta Gaeilge

Dáil Éireann Debate, Tuesday - 7 March 2017

Tuesday, 7 March 2017

Questions (432)

Peadar Tóibín

Question:

432. D'fhiafraigh Deputy Peadar Tóibín den Aire Ealaíon, Oidhreachta, Gnóthaí Réigiúnacha, Tuaithe agus Gaeltachta an aontaíonn sí go bhfuil sárobair á déanamh ag an eagraíocht Tuismitheoirí na Gaeltachta chun tacaíocht a thabhairt do thuismitheoirí sa Ghaeltacht a bpáistí a thógáil le Gaeilge; an mbeidh sí sásta maoiniú a chur ar fáil don eagraíocht ionas gur féidir leo obair na heagraíochta a leathnú amach chuig gach ceantar Gaeltachta; agus an ndéanfaidh sí ráiteas ina thaobh. [12008/17]

Written answers

Minister of State at the Department of Arts, Heritage, Regional, Rural and Gaeltacht Affairs

Tá cúnamh reatha ar fiú €120,000 in iomlán ceadaithe don eagraíocht Tuismitheoirí na Gaeltachta ó Bhealtaine 2014 i leith chun cabhrú léi seirbhísí éagsúla a sholáthar do theaghlaigh sa Ghaeltacht atá ag tógáil clainne le Gaeilge. Is faoi réimse gnímh na Straitéise 20-Bliain don Ghaeilge atá dírithe ar an Ghaeltacht agus an Teaghlach a cuireadh an cúnamh seo ar fáil. Tá iarratas ón eagraíocht ar chúnamh i leith na bliana reatha á bhreithniú faoi láthair i gcomhthéacs thosaíochtaí mo Roinne maidir le feidhmiú na Straitéise agus forbairt an phróisis pleanála teanga araon.