Dáil Éireann Debate, Wednesday - 20 September 2017
651. D'fhiafraigh Deputy Peadar Tóibín den Aire Leanaí agus Gnóthaí Óige an bhfuil aon cheanglas ar sheirbhísí oideachais luathbhlianta atá ag glacadh páirt sa scéim um chúram agus oideachas luath-óige i limistéir ghaeltachta, ach nach bhfuil bainteach le CNNG, Gaeilge a bheith á teagasc acu; mura bhfuil, cén fáth nach bhfuil; agus an ndéanfaidh sí ráiteas ina thaobh. [39245/17]
View answerCé nach bhfuil aon cheanglais sna comhaontaithe deontas atá ann idir an Roinn Leanaí agus Gnóthaí Óige agus na soláthraithe cúram leanaí, nó i rialacha an chláir a bhaineann leo, aithníonn an Roinn Leanaí agus Gnóthaí Óige go bhfuil gá ann an méid a chothaigh sa Ghaeltacht maidir le tacaíocht don Ghaeilge in earnáil na luathbhlianta. Chun é seo a dhéanamh, beidh áiseanna oideachais agus oiliúna cuí ag teastáil ar son cleachtóirí agus seirbhísí, agus beidh forbairt ábhar agus acmhainní ag teastáil freisin.
Bhunaigh mé foghrúpa den Fhóram um Luathbhlianta, a bhfuil baill ann ó CNNG, Gaeloideachas, Foras na Gaeilge, na Naonraí Gaelacha, an Roinn Oideachais agus Scileanna, an Roinn Cultúir, Oidhreachta agus Gaeltachta, an tÚdarás, agus an Roinn Leanaí agus Gnóthaí Óige, chun tosaíochtaí a aithint le haghaidh an mhéid a chothaigh ina thaobh seo. Chuir an foghrúpa a thuarscáil ar fáil le déanaí, agus tá mo chuid oifigigh ag smaoineamh uirthi faoi láthair.
