Dáil Éireann Debate, Wednesday - 21 October 2020
94. D'fhiafraigh Deputy Aengus Ó Snodaigh den Aire Turasóireachta, Cultúir, Ealaíon, Gaeltachta, Spóirt agus Meán cá mhéad airgid sa bhreis a bheidh Foras na Gaeilge ag fáil sa €1.77 milliún atá fógartha don Fhoras Teanga, agus cén fáth a bhfuil €2 mhilliún bhreise fógartha dóibh sa Tuarascáil Chaiteachais. [32003/20]
View answerIs í an Chomhairle Aireachta Thuaidh Theas (CATT) a cheadaíonn na buiséid do na Forais Trasteorann uile, An Foras Teanga san áireamh. Is é €1.779m an méadú táscach atá curtha ar fáil don Chomhoibriú Thuaidh Theas i mBuiséad 2021, figiúr atá slánaithe suas go €2m sa Tuarascáil Chaiteachais a bhfuil tagairt déanta ag an Teachta di ina cheist.
Déantar Foras na Gaeilge a chómhaoiniú ar bhonn 75% ó mo Roinn agus 25% ón Roinn Pobal ó thuaidh. Déantar Bord na hUltaise a chómhaoiniú ar bhonn 25% ó mo Roinn agus 75% ón Roinn Pobal.
Mar gheall ar chúinsí polaitiúla i dTuaisceart Éireann, áfach, níorbh fhéidir cruinnithe CATT a eagrú ó lár 2016 i leith. Dá bhrí sin, cé nach bhfuil na buiséid i leith 2017 go 2020 ceadaithe go hoifigiúil go fóill, ó 2017 i leith, tá aontaithe ag na Ranna Airgeadais sa dá dhlínse go bhfeidhmeodh na Forais Trasteorann uile de réir na buiséid a cheadaigh an CATT ina leith don bhliain 2016.
Tá i gceist go dtionólfar cruinnithe CATT arís go gairid, tráth go ndéanfar na buiséad 2017 - 2020 a cheadú agus a bhfuiltear ag súil go ndéanfar buiséad an Fhorais Teanga do 2021 a dheimhniú.
Question No. 95 answered with Question No. 90.
