Dáil Éireann Debate, Wednesday - 23 November 2022
234. D'fhiafraigh Deputy Éamon Ó Cuív den Aire Talmhaíochta, Bia agus Mara cén uair a rachaidh an cead pleanála don ché dhomhainfharraige ag Calaphort Ros an Mhíl in éag; cad iad na pleananna atá ann iarratas a dhéanamh ar shíneadh ar an gcead pleanála sin; agus an ndéanfaidh sé ráiteas ina thaobh. [58479/22]
View answerBronnadh an cead pleanála reatha don ché dhomhainmhara i Ros an Mhíl i mí Aibreáin 2018. Maireann cead pleanála ar feadh 5 bliana de ghnáth. Tá roinnt forálacha reachtacha ann, áfach, lena ndéantar foráil do shíntí, go háirithe i gcúinsí ina bhfuil móroibreacha críochnaithe. Tá mo Roinn ag glacadh comhairle maidir le fad an cheada reatha agus déanfaidh sí iniúchadh ar aon síntí leis an gcead sin más gá.
