Dáil Éireann Debate, Thursday - 4 May 2023
291. D'fhiafraigh Deputy Éamon Ó Cuív den Aire Forbartha Tuaithe agus Pobail an bhfuil iarratas faighte ag a Roinn le scrúdú a dhéanamh ar oibreacha mara ag Céibh an Chóra, in Inis Meáin, má tá cé na hoibreacha atá i gceist agus an costas measta atá orthu; agus an ndéanfaidh sí ráiteas ina thaobh. [20988/23]
View answerMar is eol don Teachta, bíonn fadhbanna ag báid theacht le balla ag Céibh a' Chóra in Inis Meáin de bharr an tseilf gainimh a bhailíonn i mbéal na céibhe ó am go chéile. Tá an tseirbhís lastais ag brath go mór ar an gcéibh seo le go féidir lastas a thabhairt i dtír do phobal Inis Meáin.
Tá tús curtha ag Comhairle Contae na Gaillimhe leis an bpróiseas soláthair ar mhaithe leis na ceadúnais cuí a fháil le go féidir sceideal dreideála fad-théarmach a chur i bhfeidhm le fáil réidh leis an ngaineamh nuair is gá. Tuigim go bhfuil an próiseas tairisceana sin fós ar bun agus dá réir nach féidir a rá go fóill cén costas measta a bheidh ar an obair.
