Tuigimse an tábhacht a bhaineann leis na seirbhísí luathbhlianta seo ó thaobh sealbhú agus úsáid na Gaeilge de agus mar thaca don Pholasaí don Oideachas Gaeltachta agus don Straitéis 20 Bliain don Ghaeilge, araon. Chomh maith leis sin, tá An Roinn Leanaí, Comhionanais, Míchumais, Lánpháirtíochta agus Óige ag obair ar Phlean Cuimsitheach chun breis forbartha a dhéanamh ar sholáthair lán-Ghaeilge san earnáil. Tá mo Roinn páirteach sa Ghrúpa Comhairleach atá bunaithe chun an Plean Cuimsitheach sin a thabhairt chun cinn.
Is é Comhar Naíonraí na Gaeltachta a chuireann an t-infreastruchtúr in áit chun seirbhísí luathbhlianta a chur ar fáil as Gaeilge sa Ghaeltach, agus cuireann sé seirbhísí riaracháin, tacaíochta agus traenála ar fáil do na seirbhísí atá cláraithe leis an eagraíocht.
Feidhmíonn an eagraíocht den chuid is mó, le cúnamh reatha ar fiú €619,500 é ó Údarás na Gaeltachta, ach le cúnamh ó mo Roinn chomh maith. Seo a leanas briseadh síos ar an maoiniú a cheadaigh mo Roinn do Chomhar Naíonraí na Gaeltacha ó 2018 ar aghaidh:
2018/2019 - €355,000
2019/2020 - €435,500
2020/2021 - €470,000
2021/2022 - €498,350
2022/2023 - €601,100
Sin ardú 69% ar an tacaíocht a chuir mo Roinn ar fáil do Chomhar Naíonraí na Gaeltachta ón mbliain 2018 go 2023.
Tá iarratas ar mhaoiniú do na blianta amach romhainn á bhreithniú ag mo Roinn faoi láthair.