James McDaid
Question:44 D'fhiafraigh Dr. McDaid den Aire Ealaíon, Cultúir agus Gaeltachta an ndéanfaidh sé cur síos iomlán ar an scéim nua labhairt na Gaeilge atá tionscnaithe ag a Roinn le déanaí.
Vol. 435 No. 5
44 D'fhiafraigh Dr. McDaid den Aire Ealaíon, Cultúir agus Gaeltachta an ndéanfaidh sé cur síos iomlán ar an scéim nua labhairt na Gaeilge atá tionscnaithe ag a Roinn le déanaí.
47 D'fhiafraigh Miss Harney den Aire Ealaíon, Cultúir agus Gaeltachta an gcuirfidh sé miontuairiscí faoin scém nua deontas do labhairt na Gaeilge faoi bhráid an Tí; agus an ndéanfaidh sé ráiteas faoin scéim.
Tógfaidh mé Ceist a 44 agus Ceist a 47 le chéile.
Tá athbhreithniú déanta ag mo Roinnse ar Scéim Labhairt na Gaeilge agus tá scéim nua á chur i bhfeidhm sna limistéir Ghaeltachta don scoilbhliainreatha 1993-94. Is é cuspóir na Scéime muintir na Gaeltachta a spreagadh chun labhairt na Gaeilge a chur chun cinn sa teaghlach agus an pobal labhartha Gaeilge sa Ghaeltacht a chaomhnú agus a láidriú.
Tá an scéim nua dírithe ar theaghlaigh seachas ar dhaltaí aonaracha agus is deontas mar seo a leanas a bheidh iníochta in aghaidh na scoilbhliana.
—£200 le teaghlach le triúr nó níos mó dalta scoile; agus
—£100 le teaghlach le beirt nó níos lú dalta scoile.
Ní mór do na teaghlaigh mo Roinnse a shasámh:
(a) gurb í an Ghaeilge a ngnáththeanga labhartha agus go bhfuil líofacht nádúrtha dá réir acu,
(b) go bhfuil cónaí orthu sna Limistéir Ghaeltachta,
(c) go bhfuil na daltaí i gceist os cionn cúig bliana d'aois ar 1 Eanáir sa scoilbhliain i gceist; agus
(d) go raibh na daltaí i gceist ag freastal mar scoláirí lae ar bhunscoileanna agus/nó iarbhunscoileanna ar feadh formhór na scoilbhliana.
Mura bhfuil an t-ardchaighdeán atá riachtanach don scéim ag teaghlach is féidir deontas laghdaithe (50 faoin gcéad) a íoc leis an teaghlach ach mo Roinnse a bheith sásta go bfuil ar a gcumas an t-ardchaighdeán cuí a bhaint amach laistigh den thréimhse trí bliana.